aou والمــصاخر ..

[قبس]

السلام عليكم ..

طبعاً ما ادري وين المفروض اخلي هالموضوع .. مافي قسم خاص بالجامعات او شي جذي ..


المهم


اخواني



أخذركم من الجـــــــــــــــــــامعة العربية المفتوحة


التي تكون في السهلة مقابل مقــام الشيخ عزيز رحمه الله ، وذلك لتلك الأسباب :


*** الجــامعة همـها الـــمال والتجارة ***

في البداية عندما فكرت في تلك الجامعة وسألت عن قوتها ومركزها ، وتأكد أنها معترفة وقوية ، ونظام دراستها هو الــ( مفتوح ) فأعجبت بالجامعة ، ثم اتخذت قراري بالإنظمام ..
عندما سجلت في الجامعة وتم قبولي ، نرى بأن مسجات الــ sms تمطر في الجوال كــالــ ( حياكم الله في الجامعة العربية المتفوحة ) - ( ومسجات تشجيعية ) ( وتذكير بمواعيد التسجيل وغيرها ) ، حتى انه اتصل ليي قسم التسجيل ، وهالحالة طبعاً ما تواصلت لما طلع مرض h1n1 وصار الرعب في الجامعات وطلعت الجامعة على حقيقتها ، وحبت تلغي مواد التخصص وتخليها في الـــنت ( wbx ) والويب اكس هو برنامج محادثة كأنه وندوز لايف مسنجر فيه كيمره وصوت تشوف فيه الدكتور ... وهذا انا جربته في يوم التهيأة الي عطونا اياه في النت !!! ، عموماً هذا البرنامج فاشل ،، الصوت يقطع فيه ،، الصورة ما تطلع الا شوي ... ، الدكتور ما يسمع تعليقات الطلاب .. ، طيب .. ،، ولا افيدكم بأن البرنامج مجااااااااااااااااني ... واللعبة من الجامعة طلعت ان في نقص في مدرسين التخصصات .. !!! ..


بعد اصرار من الطلاب على الحضور وعدم الحضور في الويبكس ... الغوا المحاضرات وضغطوا على المدرسين ...

طيب ،،، وبعد ما سجلنا بالجامعة وكانت الاسعار مناسبة ... وافواج افواج تسجل في الجامعة لانه صارت ازمة جامعات .. سوينا الاختبار وكان الاختبار صعب الـــــــــــــي هو امتحان التوفل الثاني !!! ، والعربي كان هم صعب !! ،، عشان ندخل مواد اورينتيشن غصب عنا .. ! ، المهم سجلنا ورحنا بندفع إلى مشكلة عويصة هو زيدوا كل مادة من 10 دينار إلى 20 دينار !! ،، والله وانا مقترض مبلغ عشان ادش هالجامعة ،،، سلمنا امرنا لله ودخلنا الجامعة واستلمنا كتب الانجليزي الاورينتيشن والعربي ..

طبعاً سعر المادة الاورينتيشن غالي جدا 377 دينار ، ومادري ليش .. المهم احنا دفعنا لها واستلمنا الكتب ولما ردينا للبيت مستانسين شفنا الكتب حلوة مالت الانجليزي .. ومستانسين ومن زمان قريناهم كلهم وخلينا لينا ملاحظات وعفسة ..

الا بعد ما رحنا الجامعة أول يوم محاضرة ، ما شفنا الا الدكتور سحب منا الكتب وعطانا كتابين غير حالتهم لله وصعبة ومأساة .. وبدلوا نظام الدراسة فيه من يومين في لاسبوع إلى يوم واحد في الاسبوع !! ، يعني في هالساعتين الدكتور يتكلم انت ماتدري شنو يقول من السرعة !! ..

المهم خلصنا من كلشي .. ووقت الامتحانات والكوزات احنا ما ندري عنهم ..!! ،، نتصل للجامعة نطر منهم يرفعون التلفون عشان نسأللهم .. لكن لله المستعان محد يرفعه .. واضطرينا ان لازم نروح للدكاتره ونسألهم .. طيب الدكاتره مو موجودين لانهم معظمهم بارت تايم يشتغلون بالجامعة !! ، ناخذ ارقام تلفوناتهم ونتصل وماحد يجاوب منهم كلش !!! ..!!!

يعني لازم يطوفك كوز عشان تعرف .. !،،،، المهم تخطينا كلشي ورحنا للنهائي حالياً ... قدمنا الامتحانات التعجيزية فعلاً ، وما اتكلم انا لوحدي بل الناس كلها تقول هالكلام .. تعــــجيزية ..! ، حتى الدكاترة يقولون بسبب الوزارة وضغوطاتها ،، وهذا الشي ما شفته في جامعات غير .!!


المهم بعد لامتحانات واحنا ننتظر النتايج .!! ، اسبوع مافي شي .. نتصل محد يرفعه .. نروح يقولون لينا ما ندري !!

اسبوعين ع هالحالة ..

ثلاثة اسابيع ...

لالالالالالالالالا بالاخير .. طرشوا مسج sms تعالوا سجلوا مواد وادفعوا ...

باقي عن الدراسة كم يوم واحنا بنداوم وما بنعرف نتايجنا !!!!!!!!!

هذي حالة جامعة يا جماعة ؟؟؟

احذروا منها لاحد يقرب صوبهم ...

وسامحوني اطلت عليكم ...



سلملم ..

[نبض الحياه]

ترى الوضع كلش طبيعي بالجامعه
كل سمستر جذي
يعني ماتطلع النتايج الا بعد اسبوعين من بداية السمستر الثاني اذا ماصار بعد شهر من بدايته
وعادي
وحتلا الصيفي مثل الشي

[قبس]

مأساة ... شنو حال هالجامعة ؟؟؟ يعني ندش بالسمستر الجاي وما ندري عن حالتنا ؟؟

[محمد ملك]

الجامعه نظامها 90% تعتمد على نفسك و 10% على المدرسين اعرف ناس تخرجوا منها و اجرب واحد هشام الأيوبي اللي بالمنتدى خريج هالجامعه اسأله اذا عندك اي سؤال (: ..

نظامهم جذي انعفس خصوصا عقب هالأنذارات اللي حصلوهه من التربيه ..

[قبس]

الجامعة حالياً نظامها مأساة وحالتها حالة ..!!

الطلاب الجدد ما يعرفون وش صاير حتى !!

[Miss Green]

كنت افكر ادرس فيها بس اشوه ما درست
والله الحين معظم الجامعات جذي نظامهم مأساه
عجل شنقول احنا اللي في جامعة البحرين !!!

الله كــــــريـــــــم هونها اخوووي

[قبس]

المشاركة الأصلية كتبت بواسطة miss green

كنت افكر ادرس فيها بس اشوه ما درست
والله الحين معظم الجامعات جذي نظامهم مأساه
عجل شنقول احنا اللي في جامعة البحرين !!!

الله كــــــريـــــــم هونها اخوووي

لا تقرب صوبهم .. روح ع جامعة ثانية ..

[MARO]

المشاركة الأصلية كتبت بواسطة Miss Green

كنت افكر ادرس فيها بس اشوه ما درست
والله الحين معظم الجامعات جذي نظامهم مأساه
عجل شنقول احنا اللي في جامعة البحرين !!!

الله كــــــريـــــــم هونها اخوووي

بصراحة أختي جامعة البحرين هي من أفضل الجامعات ع الرغم من العلل إللي فيها .. يعني المتخرج منها هو من survivor و مهاراته أفضل من إللي في جامعات خاصة و تعتمد ع الفلوس بالدرجة الأولى !!!

[وطن العذاب]

شقول لكم صراح ما توقعت الجامعات الخاة جدي مأساة توقعتها سهلة واجد بالنسبة لجامعة البحرين
جامعة البحرين تعجيزية بعد بس شهادتها قوية
الله يصبرني فيها ناس واجد تعبو وفي النهاية ارتاحو

[قبس]

المشاركة الأصلية كتبت بواسطة وطن العذاب

شقول لكم صراح ما توقعت الجامعات الخاة جدي مأساة توقعتها سهلة واجد بالنسبة لجامعة البحرين
جامعة البحرين تعجيزية بعد بس شهادتها قوية
الله يصبرني فيها ناس واجد تعبو وفي النهاية ارتاحو

ربي يساعدكم عليها .. وعلى فكره تره الجامعة العربية المتفوحة لا تتساهلون فيها .. صعبة .. بس طاح حظها ..