أفضل معهد لتعليم اللغة الانجليزية؟

[الصقر]

1- أفضل معهد تعليم اللغة الانجليزية؟

2- كم مستوى يحتاج الشخص في المعهد لو كانت لغته (صفر) حتى تتطور لغته وتصل لمستوى جيد جدا؟

[حروف الحياه]

المعهد البرطاني . برتنش كونتل

هذا واجد اسمع عنه انه واجد مممتاز

[الصقر]

شكرا جزيلا

[Ready]

بريتش كونسيل

كلش ممتاز في تعليم اللغة الآنجليزية

أول ما تروح عندهم يعطونك امتحان تحديد المستوى وبعدين يشوفون المستوى الا يناسبك يحطونك فيه

أما كم مستوى يحتاج الشخص في المعهد لو كانت لغته (صفر) حتى تتطور لغته وتصل لمستوى جيد جدا؟

فهذا السؤال ما عندي اجابه له لأن في بعض الأشخاص يدخلون بس المستوى الأول وبعدين

هم بنفسهم يتعبون على أنفسهم ويطورون لغتهم

[malqadhi]

انا رأيي مختلف وبحكم خبرتي في الدراسه

لأني درست في برتش كونسل

ودرست في لندن سنوات

ودرست في معاهد خاصه بحرينيه

برتش كونسل بس سعره مرتفع ويجيبون اجانب الناس تفكر انه افضل


أنا افضل المعاهد المحليه لعدة اسباب راح اذكرها

1- المدرسين العرب ماصاروا مدرسين الا لأنهم تمكنوا من اللغه بينما الأنجليز يدرسون اللغه وهم مو حافظين القواعد لأنها لغته مثل ماأحنا كلنا نعرف نتكلم عربي ولكن ماعندنا قدره اننا ندرس العربي لأننا مانعرف القواعد.
2- المعاهد المحليه تراعي الطالب واسعارها في المتناول
3- يجب دعم المعاهد المحليه حتى تتطور اكثر وتخدم المواطننين


أنا ضد اي سلعه اجنبيه طال ما المحلى متوفر. وهذا سر نجاح الشعوب الغربيه

[nawrooz]

المشاركة الأصلية كتبت بواسطة malqadhi انا رأيي مختلف وبحكم خبرتي في الدراسه لأني درست في برتش كونسل ودرست في لندن سنوات ودرست في معاهد خاصه بحرينيه برتش كونسل بس سعره مرتفع ويجيبون اجانب الناس تفكر انه افضل أنا افضل المعاهد المحليه لعدة اسباب راح اذكرها 1- المدرسين العرب ماصاروا مدرسين الا لأنهم تمكنوا من اللغه بينما الأنجليز يدرسون اللغه وهم مو حافظين القواعد لأنها لغته مثل ماأحنا كلنا نعرف نتكلم عربي ولكن ماعندنا قدره اننا ندرس العربي لأننا مانعرف القواعد. 2- المعاهد المحليه تراعي الطالب واسعارها في المتناول 3- يجب دعم المعاهد المحليه حتى تتطور اكثر وتخدم المواطننين أنا ضد اي سلعه اجنبيه طال ما المحلى متوفر. وهذا سر نجاح الشعوب الغربيه

اخوي انا امشي روحي بالانجليزي واتفق وياك ان برتش كونسل بس اسم
دشيت بس كورس واحد ما ادري هل حظي المدرس جذي او هو المعهد بكبره جذي
بس حسب ملاحظتي للقروب اللي من جم كورس يدرسون تأكدت ان المعهد لهم اسم على خرطي
اعرف ناس استفادو وتعلمو انجليزي اللي راحو من ال0
بس اللي راحو من النص ما اجوف اي تطور ! والله انا من الشغل استفدت اكثر منهم بواااااااااااجد

بس ممكن تذكر بعض هل المعاهد المحلية لان مو بس محلي لازم ندعمه نبي معهد تمام مو مدرس ما يعرف ويش يسوي ندخل ونطلع مثل ما احنا

[فيروزية]

أتفق مع اللي ما يمدحون برتش كونسل
عن تجربة ما استفدت منهم حتى 1% إنما كسبت اللغة من خلال الممارسة
المعاهد تعطيك الأساسيات وإنت بممارستك تكسب الخبرة في اللغة

أنصحك في الأمريكي اللي في الجفير كخيار أفضل

[محمد الحداد]

المشاركة الأصلية كتبت بواسطة فيروزية أتفق مع اللي ما يمدحون برتش كونسل عن تجربة ما استفدت منهم حتى 1% إنما كسبت اللغة من خلال الممارسة المعاهد تعطيك الأساسيات وإنت بممارستك تكسب الخبرة في اللغة أنصحك في الأمريكي اللي في الجفير كخيار أفضل

اختي المعهد الأمريكي واللعنتين بعد ... درست عندهم 6 كورسات ماستفدت الا 4% بدون مبالغه


محمد
الحدد

[Ready]

شوفوا اخواني وأخواتي

ترى اللغة الانجليزية الواحد يقدر يتعلمها بروحه

عن طريق مشاهدة برامج وأفلام باللغة الانجليزية، ترجمة كتب وقصص ترجمة جرائد ومجلات

ومن التعامل مع الأجانب(أصحاب اللغة الأصليين الا هم البريطانيين والأمريكان مو هنود وفلبيين)

وكثرة التحدث بالانجليزية في حياته اليومية وغيرها

فالا يمبي يتعلم يعرف شلون يتعلم

والا مو راغب في التعلم عساه لو درس في معاهد طول عمره ما بيتعلم ولا بيتطور أبدا

[هوندا]

انا اتفق مع الاخ Ready
الي ما مو راغب في التعلم او يدري انه سجل غلط وكأنه غصباً عنه يداوم اكيد ما راح يستفيذ ،، ترى الاستفاذه اكثر شي في البيت وانا جربت هذا الشي واستفذت واعرف اتكلم لو وين يقطوني والحمدالله امشي روحي .. ما استفذت الا يوم طلعت لي دروس من الانترنت ويوم ترجمت وغصبت روحي اقعد على كرسي وطاولة في البيت وهدوء واراجع وادرس واقرأ والي مو فاهمنه اترجمه ...

كل واحد يقدر يسوي جذي ما دام الرغبة موجودة والارادة تشتغل والحماس فعال ،، خلاص من باجر نبدأ وندرس ولا نتملل ..

وحاولي تشغلين على قناة BBC على الراديو الاخبارية ،، صدق ان كلمات واجد صعبة بتمر عليش .. بس لو سمعتينها كل مرة بتقولين في نفسج .. ( صح اني سمعت الكلمة من قبل ) فبتروحين وتترجمينها ... انا كنت أسوي جدي هههههههه

ومثال خارجي

طلاب جامعة البحرين مساكين متى استفاذوا من الدكاترة ،، يقولون ما يفهمون ولا شي ويمكن يرسبون ،، فيروحون يدرسون مع بعض ويحلون مسائل ويترجمون وكل شي يسون بس عشان ينجحون ويحققون اهدافهم ،،،

بمعنى ان الجامعة والدكاترة ما فادوهم شي ،، انما فادتهم دراستهم الخصوصية مع بعض ..
نفس الشي ايي معهد راح بتروحينه لازم تواجهين مشاكل وتحلينها بنفس حق تتخطينها
ما شي يجي بالسهل
ولا تتخيلين نفسج ان راح تتطورين في يوم او يومين ،، لازم تتعبين ( كل جهد له ثمرة )

انا عن نفسي اقول اعرف ولو يفلتنوني ههههه اي مكان بس انا صفر بالنسبة للآخرين ونتمنى نتعلم اكثر

الله يوفق الجميع وآسف على الاطالة*