محتار وياها

[livebox]

السلام عليكم ورحمة الله وبركاته

اخواني واخواتي اعضاء المنتدى,فيه صديق عزيز علي على وجه خطوبة وصادفته بعض المواقف او المشاكل الصغيرة ويا البنية الي بيخطبها وابي اعرف رايكم فيها.
الصبي تقدم حق وحده وعجبته وعجبها وعلى قولته حباها من اول نظره وهي حبته في المقابله المهم وراحو فحص وتواسو والحين يكلمها في التلفون والخطوبة عقب العيد الصبي يقولي انه حباها واجد بشكل مو طبيعي ومره طلب منها صورتها واهي رفضت اول شي بعدين طرشت ليه صورة وحده ومو واضحه وتقول معندها غير هالصورة المهم اهو طلب منها انه يشوفها يعني يتواعد وياها انتو وش رايكم في الموضوع؟من حقه يطلب انه يشوفها ويتواعد وياها بس بحدود الاحترام وفي مكان عام؟مع العلم انهم بينخطبون عقب العيد يعني بعد 20 يوم تقريبا.

[ملامح خجوله]

ماله داعي هالسالفه كللللللللللللللللش

وغلط غلط غلط


الا أدا المقابله بتم. على علم من الأهل
انصحه اقول و رجع عقله محله
وما باقي شي

[fatema madan]

حقويه مستعجل يعني هو ؟!!
اذا ما باقي شي على الخطوبة خل يصبر يشوفها في الخطوبة مرة وحده !!
و هالشي غلط عدل ..~
لانه ما في شي رسمي بينهمـ للحين
خل يصبر أشوي كلها كم يوم و بتصير معاه العمر كله

موفقين

[نونو ~]

شهالحجي

وشنو صورة ما صورة و مواعد

آنه لو بدالها انجف

[الوردة البيضاء22]

20 يوم فقط؟؟؟؟ الصبر وايد زين..

[summer dream]

شهالكلام يطلب صورتهاتها ههه ضحطني م صارت خطبة صارت علاقة حب وسخافة اني خبري الجادين يتحجون وين بسوون خطوبتهم جم المهر وين بيسكنون اما هالحجي مصاخة لومنها اكنسل واقول ببالي هذا شكله موجاد ! خل ترفض شهالسالفة ان طلعت بقول خفيفة وبيتركها احتمال

[بنت التراب]

ليش هو ما شافها في المقابلة .. كلش غلط الي يفكر فيه

[fa6ima]

عادي خل يروح بيتهم ويقعد وياها
شنقايل بعد طلعات وصور

[مجهولة الهويه2]

ما يجوز أخوي للحين مافي عقد بينهم أشلون يطلع وياها واطرش له أصورها ... وخله ينطر جم من يوم أحسن لا يخسرها العمر كله وحتى لو نيته زينة بس بعد ما يجوز الي يسوي......كلش كلش أشوفها في بيتهم بعلم أهلها

[livebox]

المشاركة الأصلية كتبت بواسطة نونو ~ شهالحجي وشنو صورة ما صورة و مواعد آنه لو بدالها انجف

الرجال جاد وراح مع اهله للبنت وسوو المواساه يعني بياخذها ليش تنجف بعد الرجال طلب مجرد طلب منها,على العموم مشكوره على المشاركة اختي

المشاركة الأصلية كتبت بواسطة الوردة البيضاء22 20 يوم فقط؟؟؟؟ الصبر وايد زين..

اي فعلا الصبر زين,شكرا على المشكارة اختي

المشاركة الأصلية كتبت بواسطة summer dream شهالكلام يطلب صورتهاتها ههه ضحطني م صارت خطبة صارت علاقة حب وسخافة اني خبري الجادين يتحجون وين بسوون خطوبتهم جم المهر وين بيسكنون اما هالحجي مصاخة لومنها اكنسل واقول ببالي هذا شكله موجاد ! خل ترفض شهالسالفة ان طلعت بقول خفيفة وبيتركها احتمال

اختي الرجال جاد وهم متفقين على الخطوبة وتفاهمو على كل شي واعتقد الصور عادي بما انه يحل له يشوف شعرها وقت المقابله فما بالج بصورة ومتحجبه بعد,لو طلع وياها شلون يتركها الرجال يحبها وميت فيها. شكرا على المشاركة اختي

المشاركة الأصلية كتبت بواسطة بنت التراب ليش هو ما شافها في المقابلة .. كلش غلط الي يفكر فيه

انا اشوف انه غلط بعد بس قلت اخذ ارائكم

المشاركة الأصلية كتبت بواسطة fa6ima عادي خل يروح بيتهم ويقعد وياها شنقايل بعد طلعات وصور

صعبه يروح بيتهم ماعتقد اهلها بيتقبلون هالموضوع

المشاركة الأصلية كتبت بواسطة مجهولة الهويه2 ما يجوز أخوي للحين مافي عقد بينهم أشلون يطلع وياها واطرش له أصورها ... وخله ينطر جم من يوم أحسن لا يخسرها العمر كله وحتى لو نيته زينة بس بعد ما يجوز الي يسوي......كلش كلش أشوفها في بيتهم بعلم أهلها

من ناحية الطلعه انا قلت له بعد مايجوز بس بالنسبه للصورة اعتقد حلال