PROTECTION
Al Waseet
Zayani Instagram

بخصوص اسعار التاجرات بالمنتدى

الموضوع في 'المـلابس النـسائية' بواسطة نبض قلبي, بتاريخ ‏6 سبتمبر 2012.

حالة الموضوع:
مغلق
  1. نبض قلبي

    نبض قلبي عضو جديد

    المشاركات:
    207
    الإعجابات المتلقاة:
    1
    نقاط الجوائز:
    0
    سلام عليكم
    شخباركم
    صراحة بطرح موضوع مادري هل بتتفقون معاي فيه ام بتختلفون
    بس بوضح فكرتي وابي اجوف اراء الاعضااء بعد


    الحين ماشاء اللله واااااااااااااااجد تاجرات ف المنتدى وكل وحده في تخصص معين والله يوفقهم ويوفق الجميع

    عاد الشي الملفت في الموضوع الاسعاار الي يبيعون فيها

    صراحة اني وحدة احب اساعد البحرينيات واربحهم احسن من المجمعات ومطاعم لهنود
    عاد اسعاركم يا تاجرات ضووووو ناااار
    دويش يعني شنطة بعشرين خمسة وعشرين
    صراحة اشتري من مانجو ماركة ومضمونه وكشخة احسن

    لو ساعة بعشرين وثلاثين واربعين
    ناخذ من ساعات الصفوة ماركة كات ولا لاكوست وعليها قرنتي ويسون عروض بعد

    واني انصميت واااجد يا بالسلعة نفسها يا بالسعر

    يعني الا هني تبيع الفانيلات لطوال الا عليهم رسومات ب3 ونص واربعة وخمسة
    اني خذيتهم بدينارين ودينارين ونص

    والشنط جم ديزاين لاقيت نفسهم في المحلات مال مجمع مدينة عسى بأرررررررخص

    والجواتي البعض يبيع جواتي ب16 دينار ,, جه ماركة ولا من الستي ولا السيف الا بهالسعر؟!!!!

    وحتى تأجير فساتين السهرة . جم وجممم فستان شفتهم ف السعودية باسعار عادية يأجرووونهم بسعر فوق يطلعون سعرهم ادباااااال

    وسواعد اليد الا في سوق الايام تنباع ب خمس ربيات هني بدينار
    والا بدينار هني بدينارين
    لا وتوصيل بدينار لو بدينار ونص
    شددددددددددددعوة ياجمااااعة

    وغير الصالونات الا الصراحة انصميت في صالون خذو مني مبلغ على تسوات شعر وماستوة ظلو يماطلون وياي وماستفدت شيي

    وما انسى عطورات الكوبي ون الا اول ماطلعووو شريتهم من المنتدة ثنتين ب 16 دينار والوحده ب 11 دينار وعقب سووهم بخمسة وعقب بثلاثة والحين بدينارين واقلللللللللل دليل على انهم كجررة واول ماطلعو الناس منزهقين وخذوهم وعقب محد شراهم وقللو السعر لهالدرررجة
    وشلخ ان هم نفس الاصلييين
    هاي ينطلي على الشخص الا مايستعمل عطور اصلية
    اما الا يستعملون فمااافي مقارنة ولا تظل ريحتهم اصلن

    صراحة الواحد يبي يساعد ابناء بلده ويدعم التجارة المحلية بس التجار مايساعدووون باسعارهم

    لين اشتري اغراضي من سيتي سنترر يطلع عليي ارخص واكشخ وماااركات من لين اخذ من المنتدىىى

    الفكرة الا ابي اوصلها مو اني اقطع رزق التاجرات لا
    بس راعو الناس في الاسعار شوووي
    وانتون ادرى بمعاشات البحاارنة اغلبهم 250 وقروض وحالة
    جيفة تبون ياخذون منكم وانتون بهالاسعار المبالغ فيها



    مع احترااامي
    واسفة ع الاطالة
    بانتظار تفاعلكممم
    مع السلامة
  2. ام جنا وحسين

    ام جنا وحسين عضو نشيط

    المشاركات:
    1,114
    الإعجابات المتلقاة:
    1
    نقاط الجوائز:
    38
    الجنس:
    أنثى
    رد: بخصوص اسعار التاجرات بالمنتدى

    اتفق معاج بالراي
  3. زوزا

    زوزا عضو

    المشاركات:
    142
    الإعجابات المتلقاة:
    0
    نقاط الجوائز:
    16
    رد: بخصوص اسعار التاجرات بالمنتدى

    مرحبااا

    انا معاج بكل كلمة قلتيها

    بس مشكلة اغلب البضاعات تجي من سعودية ومعروف هناك الاسعار رخيصة

    عادي لو جابوا واضافوا نسبة عليها بس مو تضيفون ضعف الاسعار

    نفس خاتم تسبيح في منه نوعين الاصلي ب 5 ريال والخرابيط ب 2 ريال

    والمشكلة يجيبون الاصلي ويبيعونه ب دينار والخرابيط ب 5 فلس ليش؟

    وحتى سواعد بالسعودية على 2ريال من مجمع طيبة

    انا امبي اخذ بخور كمبودي خبرتني اختي وحدة بالمنتدى تبيعه ب5 دينار

    انا اشتريه من حرمين ب 4 ونص

    لو بشريته من منتدى بيطلع كله لي ب 6 دينار

    حتى لفراشات مفروض سعرهم اقل انتون ما وراكم اجار محلات

    ضيفوا نسبة عشان تحصلون ربح بس نسبة معقولة

    حتى دشاديش كودري على 4 و 5 ليش

    معروف اسعار كودري دينار ونص او دينارين او دينارين ونص

    مشكلة الاسعار نفس محلات
    آخر تعديل: ‏6 سبتمبر 2012
  4. زهور البنفسج

    زهور البنفسج عضو جديد

    المشاركات:
    32
    الإعجابات المتلقاة:
    0
    نقاط الجوائز:
    0
    رد: بخصوص اسعار التاجرات بالمنتدى

    اي صح كلامش اختي
    و لا ساعات كذا تاجرة عندها نفس البضاعة و كل وحدة سعرها غير !!!
  5. بريق امل

    بريق امل عضو جديد

    المشاركات:
    130
    الإعجابات المتلقاة:
    0
    نقاط الجوائز:
    0
    رد: بخصوص اسعار التاجرات بالمنتدى

    في الصميم ،،

    اتفق وياش بكل كلمه

    أحس في بعض الاسعار مبالغ فيها

    المفروض يراعون لحال البحارنه ووضعهم المادي وخصوصاا نص التاجرات يبيعون في بيتهم يعني لا اجار وراكم ولا الله قاله .. ليش هالاسعار الغاليه؟

    والله يوفقكم ويفتحها عليكم ويرزقكم كل خير




  6. روعــــــــــة

    روعــــــــــة عضو جديد

    المشاركات:
    3,106
    الإعجابات المتلقاة:
    0
    نقاط الجوائز:
    0
    رد: بخصوص اسعار التاجرات بالمنتدى

    السلام عليكم

    اختي ادري انش ما تعممين بس ما استثنيتين بالموضوع

    وشي ثاني في ناس فعلا البضاعة تكلفهم واجد لانها من بره حتى لو في مثلها بالسعودية

    بس في ناس بعد ما يقنعنا القليل
  7. الأمتياز

    الأمتياز عضو نشيط

    المشاركات:
    7,158
    الإعجابات المتلقاة:
    0
    نقاط الجوائز:
    36
    رد: بخصوص اسعار التاجرات بالمنتدى

    اهلا اختي كلامك صحيح ولكن ما ينطبق على كل التاجرات

    والدليل هو اني احدى التاجرات الي اجتهدت في تقديم افضل الاسعار مقارنه بالاسواق

    لدرجة اني فتحت محل وادفع مصاريف اجار وسجل وكهربا وخط انترنت وتلفون وراتب موظفه وللبلديه وغيرها من مصارف ولا زدت ربيه عن اسعارنا السابقه نفسها الاسعار قبل فتح المحل وبعد فتح المحل وحتى في الاونه الاخيره في تاجره طلبت اعرض بضاعتها ماركه تركيه وما وافقت على عرضها في الموقع اللكتروني او المحل الا بعد التأكذ بان سعرها مناسب وبالفعل وجدت الماركه الي عندها سعرها غالي بالسوق، وسعرها مناسب مقارنه بمستوى الماركه ،ويكفي كتابة اسم الماركه TEKNUR في قوقل لمعرفة اسعارها

    وهذي بضاعتها المعرروضه عندنا

    http://www.stylebh.com/catalog-list-لانجري تركي ماركة TEKNUR-256-256.html

    وباقي الاقسام معروض فيها بضاعتنا
    http://www.stylebh.com/
    والاقل سعرا مقارنه بالمحلات

    وايضا في عضوات تاجرات مجتهدات منتجاتهم ناجحه واسعارهم ماعليها كلام وافضل مني والله يزيد في فضلهم


    اما بخصوص التاجرات الي اسعارهم مبالغ فيها ، وحسب معرفتي هذا يعود لعدة اسباب

    بعض التاجرات ماعندهم مصدر مباشر لتوفير البضاعه من البلد المصدر ، مثلا اتجي تاجره تعتمد على تاجره ثانيه لتوفير البضاعه وطبعا راح تاخد عليها فايده بعكس اذا كان التاجره عندها القدره على توفير البضاعه مباشره بكلفه اقل

    او اتجي تاجره تتفق مع تاجره اخرى تبيع اليها بضاعتها مقابل اخد نسبه وفي هذه الحاله ترفع السعر عشان تحصل فايدتها في الزياده

    وفي ايضا تاجرات مبتدئات وبصراحه اني اشوف بعضهم يحصلون على ظلم من ناحية كلفة البضاعه الي اشتروها للمتاجره فيها ، يعني مثلا تشتري بضاعه للمتاجره بسعر ما يستحق

    هذا الاسباب اني بنفسي شفتها في بعض التاجرات

    لكن من ناحية اخرى بالفعل في تاجرات يتملكهم الطمع ويبون يحصلون فايده ضعف اضعاف بدون مراعاة الزبون والاهم عندهم تحصيل الفايده بأي وسيله ومو مشكله مافي تاجره ما تبي تستفيذ ولكن مو بالشكل المبالغ فيه فلو زبونه اخدت شي ب 15 دينار وعقب حصلته بمكان اخر ب5 دينار شنو ردة الفعل ؟ يمكن اتقول سرقتني خخخخ

    وفي شي بقوله وكلام حق مافي زعل وما راح اذكر اسماء في تاجرات يستخدمون الكذب والغش اني بنفسي اشوف كيف اتجي تاجره تعرض منتجات وتقول صنع اوربي وهو صيني ! هذا تزيف وحرام الا اذا بعد التاجره تجهل مصدر بضاعتها وتعتقد ان بضاعتها مثل ما وصفت وقالت الله العالم

    اوكي ما اختلفنا في تاجرات اسعارهم مبالغه ولكن ليش الزبونه تشتري شي تحسه غالي ؟ او مايقنعها ليش ما تتأكذ اول اذا كان يناسبها او لا ؟ ليش ما تحاول تتعرف على نوع المنتج وجودته وتعاينه ؟ وبالاخير التاجره حره في عرض اسعارها سواء اتفقنا مع السعر او اختلفنا مثل ما الزبونه حره تشتري او ما تشتري
  8. نبض قلبي

    نبض قلبي عضو جديد

    المشاركات:
    207
    الإعجابات المتلقاة:
    1
    نقاط الجوائز:
    0
    رد: بخصوص اسعار التاجرات بالمنتدى


    اختي اني ماقصدت الكل بس الاغلب صراحة
    الله يوفق الكل بس اخر نقطه ذكرتيها اني اشرت ليها بكلامي
    ان القصد من المووضوع مو هو اني انتقدهم وبس
    لا بس احنا نحب ندعم التجارة المحلية والتجار البحارنة بس بعد مانقددر في ظل هالاسعار المبالغ فيها
    وشغلة ان التاجرة حرة في السعر الا تعرضه فهي حرة في حدود الصدق والعدل وذا يعتبر غش واحنا مسلمين ونعرف سنة النبي

    ساعات الشي تحسينه في الصورة يسوة سعرة الغالي لكن لين جابوه ليش تنصمين صمممة
    وطبعا بعضهم لا في محل تجيكين البضاعة ولاشي
    بس توصلها لش وغصب عنش بتقبلينها وبتدفعين سعرها لانش طالبتها

    يعني لا اجار محل ولا رواتب موظفين ولا بيل كهربا
    ولامحل تجيكين فيه البضاعة وتعاينينها
    وفوق دا جارج ع التوصيل وسعر غالي للبضاعة

    والله يوفق الجميع
  9. theant

    theant عضو جديد

    المشاركات:
    21
    الإعجابات المتلقاة:
    0
    نقاط الجوائز:
    0
    رد: بخصوص اسعار التاجرات بالمنتدى

    الصراحة انا اتفق كليا مع صاحبة الموضوع، والمشكلة ان يحطون صور من الموقع اللي يطلبون منه ومعظم هالمواقع تقليد وشغلهم مو زين، لازم اول شي يبحثون عن سمعة الموقع بعدين يطلبون منه، والأغلبية يفضلون يجوفون صور من تصوير البائعة مو تنزلون الصور من المواقع اللي اصلا ماخذين صور الماركة الاصلية وبعدين تنصدمين بالكواليتي.
حالة الموضوع:
مغلق

مشاركة هذه الصفحة