PROTECTION
Al Waseet
Zayani Instagram

بنات وحريم.. من جربت الميزوثيرابي؟؟

الموضوع في 'جاوبني !' بواسطة sooo cute, بتاريخ ‏19 سبتمبر 2011.

حالة الموضوع:
مغلق
  1. sooo cute

    sooo cute عضو جديد

    المشاركات:
    24
    الإعجابات المتلقاة:
    0
    نقاط الجوائز:
    0
    عزيزاتي بنات حواء..
    الميزوثيرابي علاج للشعر الخفيف بكافة أنواعه عن طريق إبرة فيتامين في فروة الراس.. اتمنى من اللي جربوا أو يعرفون أحد جرب يفيدنا:
    أي دكتور أو دكتورة راحت؟ كم جلسلة احتاجت؟ سعر الجلسة؟ هل الإبرة تعور أو لها مضاعفات؟ والأهم من هذا كله (النتايج) يعني هل في فايدة أو لا؟؟ ومتى بدأت تطلع النتايج..

    ناطرتكم بردود مفيدة :eh_s(8):
  2. sooo cute

    sooo cute عضو جديد

    المشاركات:
    24
    الإعجابات المتلقاة:
    0
    نقاط الجوائز:
    0
    رد: بنات وحريم.. من جربت الميزوثيرابي؟؟

    وينكم يا آنسات وسيدات.. الميزوثيرابي صار له ما يقارب خمس سنين ويمكن أكثر في البحرين.. محد سمع عنه؟؟؟؟؟؟ ​
  3. جواهر

    جواهر عضو نشيط

    المشاركات:
    1,777
    الإعجابات المتلقاة:
    4
    نقاط الجوائز:
    38
    رد: بنات وحريم.. من جربت الميزوثيرابي؟؟

    فيه بعد الميزو ثيرابي حق نظارة البشره وهي عبارة عن حقن الوجه بالفيتامينات ء يعطي رونق وصفاء للوجه ويحميها من أضرار البيئة والصيف آنه جربت أسوي حق الوجه من زمان في مستشفى الدكتور طارق بصراحه متخصصين في هالشي

    بالنسبة للشعر لازم تستشرين إخصائييين قبل ماتسوووين لان إحتمال تكون في مجازفة وماتحتاجيين
  4. شيخة الدنيا

    شيخة الدنيا عضو جديد

    المشاركات:
    280
    الإعجابات المتلقاة:
    2
    نقاط الجوائز:
    0
    رد: بنات وحريم.. من جربت الميزوثيرابي؟؟

    شفت تجارب بنات في النت جربوها ويقولون ما استفادوا
    وحدة كانت تعاني من صبع في مقدمة الرأس
    وسوت طريقة متعبة وتملل ويبغى لها صبر
    وتقول خلال 5 شهور شعرها نبت وطااااال وصار صحي وروعة
    الطريقة يبغى لها شرح إذا حبيتي تعرفينها راسليني خاص
    لأن فيها خلطات وزيوت وكبسولات يعني تحتاج شغل .. بس النتيجة روعة ..

    شيخة الدنيا
  5. أم عسولة الكتكوتة

    أم عسولة الكتكوتة عضو جديد

    المشاركات:
    236
    الإعجابات المتلقاة:
    1
    نقاط الجوائز:
    0
    رد: بنات وحريم.. من جربت الميزوثيرابي؟؟

    اول مرة اسمع عن هالعلاج بس انا بالفعل شكلي محتاجة له

    ولا استطيع افيدج بهالشي ومحتاجة للإفادة

    واختي شيخة الدنيا يعني لو كان علاج مقتبس من اح حبذا لو تحطيه عام للكل يستفيد وتحصلين دعوة حلوة

    بالتوفيق
  6. لوللا

    لوللا عضو جديد

    المشاركات:
    1,437
    الإعجابات المتلقاة:
    32
    نقاط الجوائز:
    0
    رد: بنات وحريم.. من جربت الميزوثيرابي؟؟

    اكيد لها نتايج حلوة، بس استشيري دكتور قبل.

    اهم شي خلي في بالج الميزانية، لأنج بتحتاجين اقل شي 5 ابر، الإبره بين 40 لين 50 والكلكليشن عندج، وبعدين بتحتاجين لوشن كم شهر، وبعدين ابره منتننس كل 6 اشهر او يمكن كل سنه.

    المحاليل تختلف، بعضهم مركز وبعضهم ضعيف، لا يغشونج.

    امي راحت تضرب واصرت، بس الدكتور نصحها لأ، قال لها شعرج خفيف وايد واذا بديتي فيه لازم يبي لج ابر وايد واحنا ما تدري شلون يتفاعل شعرج، يعني يمكن اقل من عشر ابر، ويمكن تزيد عن عشر ابر.
  7. sooo cute

    sooo cute عضو جديد

    المشاركات:
    24
    الإعجابات المتلقاة:
    0
    نقاط الجوائز:
    0
    رد: بنات وحريم.. من جربت الميزوثيرابي؟؟

    شكراً خواتي العزيزات..
    جواهر .. تعجبني ردودش دائماً .. وخاصة اللي تعرفينه تقولينه.. واللي ما تعرفينه تقولين ما أعرف وهذا الشي الصح..

    شيخة الدنيا.. صراحة عجزت من الزيوت لأني ما أداوم عليها.. كل مرة أجرب زيت.. استخدمه مرة ومرتين ويتم.. ما أحب اقعد ملبخة ومحبوسة جم ساعة.. وبعدين غسل لا تغسل.. تعبت، وإذا كانت الزيوت اللي عندش ما يبغالها ساعات.. على الرحب والسعة طرشيها خاص أو كتبيها يمكن أم العسولة الكتكوتة بعد تستفيد ويستفيدون بنات غير..
    بس عزيزتي شيخة الدنيا.. أنا قبل لا أسأل عن الميزيوثرابي هني بحثت في النت وأشوف بنات الكويت يمدحون فيه.. وطبعاً هم سابقينا بعيادات الجلدية وخاصة التجميل ..بس عندنا اهني يمكن نكون (في طور النمو) يعني بعدنا.. وعلى قولتش في ناس بعد ما استفادوا..

    وحدة من ربعي تقول اختها راحت وما استفادت.. بس اهي ما واصلت الكورس..

    لوللا.. حبيبتي انتي والله ما قصرتين.. أخيراً حصلت احد عند فكرة.. أمك راحت أي دكتور؟؟
    بالنسبة لي الدكتورة اللي رحت لها سوت لي تحاليل وطلع المشكلة عندي بالدم يعني ما يوصل أكثر من 10 .. وقالت لي احتاج تقريباً 6 جلسات.. وبعدين على كيفي اوصل أو لا.. ما عندي مشكلة في الفلوس بس اهم شي النتيجة تكون أوكي..
  8. ام جنا وحسين

    ام جنا وحسين عضو نشيط

    المشاركات:
    1,116
    الإعجابات المتلقاة:
    1
    نقاط الجوائز:
    38
    الجنس:
    أنثى
    رد: بنات وحريم.. من جربت الميزوثيرابي؟؟

    الميزثرابي 50 دينار للجلسة بس في بديل لابر
    الا اهو ابر الكرتيزون في المستشفي الحكومي وببلاش
  9. يتيمة الحب

    يتيمة الحب عضو جديد

    المشاركات:
    620
    الإعجابات المتلقاة:
    0
    نقاط الجوائز:
    0
    رد: بنات وحريم.. من جربت الميزوثيرابي؟؟

    انا كان ودي اسوي هالحقنة حق السواد اللي حول العين .. بس سمعت وايد بنات يقولون ما استفادو من جذي شلت نظر عن الموضوع ..

    انا سألت دكتور طارق .. قال لي لازم خمس جلسات وكل جلسة ب 35 دينار .
حالة الموضوع:
مغلق

مشاركة هذه الصفحة