PROTECTION
معهد الغد للتدريب
mbahrain instagram

[معلومات] ## تعلم أفكار وطرق الحداق من صياد السمك ##

الموضوع في 'البر والبحر وبرك السباحة' بواسطة صياد السمك, بتاريخ ‏30 نوفمبر 2012.

  1. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##

    نوخذة بوهاشم

    عليك بالصلاخة او القطاع كلش ممتاز حق حداق الفسكر + الشعم + المزيزي

    1- صلاخة السلس
    2- صلاخة الحاقول

    على فكرة لو اقول لك على شنهو تحدق بتضحك جرب على اللحم هههههههه
    اول شي قبل لا تشتري لك كيلو كامل اخذ لك قطعة صغيرة من عند القصاب او من البيت
    وجربها اذا شفتها تمام اشتر لك كيلو لحم ب دينار ارخص لك من الكيلو الربيان ههههه
    لان كيلو الربيان غالي ب 2 او دينارين ونص // المهم جرب تحدق على اللحم وقول لي اشرايك

    ترا الحياة تجارب / لا تعلمون احد هههههههههه


    [​IMG]
    آخر تعديل: ‏10 ديسمبر 2012
  2. Abu Hashem Alwedaee

    Abu Hashem Alwedaee عضو

    المشاركات:
    282
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    خوب انا ابو التجارب كل شي اشلخ!!
  3. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##

    نوخذة صدق ما امزح

    ترا اللحمة فيها ريحة تجلب السمك في نفس الوقت قوية القارض ما ينتفها بسرعة
  4. Abu Hashem Alwedaee

    Abu Hashem Alwedaee عضو

    المشاركات:
    282
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    جربت اللحم او احد جرب في الحداق؟؟

    ما قلت شي انا احب التجارب ,احب اجيك كل شي
    حتى مره كمل الربيان الي عندي والصيد حامي كان في بوزي علج شلته ونفتفه وقمت اجرب ابه لانه لونه ابيض

    وصار نقد قوي بس ما صدت ابه شي من اسحب الخيط يطلع انه أكلوه من زمان خخ
  5. عيسى الموفق

    عيسى الموفق عضو

    المشاركات:
    198
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    هل جربتون الصيد بمصران الدجاج ترى السبيطي يموت عليه وشفت شباب يصيدون السبيطي بفار
  6. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##


    نوخذة لين قلت لك جرب على هالشي معناتها خبرة لا تخلني اطلع لك كل الاسرار
    تبغي ييم (طعم) ببلاش روح على السيف وبتحصله بلهبل صقوع الي نسمية بيض - حويت
    كل هلصدفيات والقواقع تحصلها ببلاش على السيف (الساحل) مجرد جمع لك كمية
    وكسرهم وطلع منهم (اللب - اللحم- البلح) كيفك الي بتسميه وشرط ممتازة حق الحداق

    (صقوع)

    [​IMG]

    (حويت)

    [​IMG]

    نوخذة زيد في معلوماتك كل الاشياء الي في الصورة من حشائش - قواقع - ربيان - خثاق- قباقب
    وغير وغير يعتبر غذاء السمك المفضل اصلا كل السمك عايش على اكل القواقع والصدفيان والعوالق

    [​IMG]

    نوخذة انا احدق بشي احصله ببلاش في البحر كلش ممتاز حق حداق الشحذوذ - الفسكرة
    البزيمي - القرقفانة - المجوى بس للحين ما علمت به احد سر ههههههه
  7. Abu Hashem Alwedaee

    Abu Hashem Alwedaee عضو

    المشاركات:
    282
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    انا أول ما بديت اصيد جربت مره بس بعجين وشفت ما في صيد عدل
    صدق وحده ((الكرضي)) ونتفتها وسويتها طعم صار نقد قوي
  8. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##

    نوخذة طيب خاطرك

    اذا صار عندي وقت باصور لكم اشلون تسون صلاخة السلس + الحاقول مع القطاع
  9. Abu Hashem Alwedaee

    Abu Hashem Alwedaee عضو

    المشاركات:
    282
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    اعرف شلون ما ادري اذا انت نفسي او غير الطريقه

    تجيب السجين وتشرح السمجه من النص بعدين تقطعها
  10. CraZy

    CraZy عضو جديد

    المشاركات:
    300
    الإعجابات المتلقاة:
    0
    نقاط الجوائز:
    0
    رد: ## تعلم أفكار وطرق الحداق من صياد السمك ##

    اذا تعلمونا شنو سالفة المنجوس وطريقته , نكون مشكورين لكم
  11. عيسى الموفق

    عيسى الموفق عضو

    المشاركات:
    198
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    اتصيد المنجوس حي وتشكه اما بين العينين او من الذيل بس ما تحط بلد وتهدها في البحر تسبح وهذي الطريقة تشجع السمك الكبير يلقفها ومبروك الهامور
  12. عاشق22

    عاشق22 عضو

    المشاركات:
    56
    الإعجابات المتلقاة:
    0
    نقاط الجوائز:
    6
    رد: ## تعلم أفكار وطرق الحداق من صياد السمك ##

    اللهم صلي على محمد وال محمد
    الموضوع واجد ممتاز ويستحق التثبيت بكل قوة
    أن نشاء الله تضيفون موقع الصيد الممتاز والوقات المناسبه حق الحداق
    آخر تعديل: ‏15 ديسمبر 2012
  13. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##


    شكرا على المرور نوخذة عاشق 22

    تفضل

    الاوقات المناسبة للحداق والمزيد من المعلومات ادخل على هذا الموضوع وانشاء الله تستفيد

    http://www.mbahrain.net/vb/showthread.php?t=419170

    اخوك صياد السمك
  14. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##

    السموحة يا النواخذة ترا كلش مشغول

    المهم نوخذة CraZy

    تفضل هذي طريقة شك المنجوسة حق حداق الركة

    تابع الصور

    1- طريقة شك المنجوسة حية من العين

    (أ)

    [​IMG]

    (ب)

    [​IMG]

    2- طريقة شك المنجوسة كاملة في الميدار

    (أ)

    [​IMG]

    (ب)

    [​IMG]

    (ت)

    [​IMG]

    (ث)
    عقب ما تدخل الميدار من صوب العجوة ترد تفر الميدار وتدخله في صدر المنجوسة
    وتظهره من الجهة الثانية ويصير الميدار بهطريقة نفس الي في الصورة بالضبط

    [​IMG]



    واذا عندكم أي استفسار ترا أنا حاضر بس أهم شي لا تنسون ترفعون لي من الاودام هههه

    اخوكم صياد السمك
  15. ali_amor

    ali_amor عضو جديد

    المشاركات:
    34
    الإعجابات المتلقاة:
    0
    نقاط الجوائز:
    0
    رد: ## تعلم أفكار وطرق الحداق من صياد السمك ##

    والله خوش موضوع وهذا بالضبط اللي كنت أدور عليه صار لي شهر في المواقع والمنتديات
    مشكور على وقتك ومعلوماتك اخوي .. فعلا مجهود تستحق عليه الشكر وكل التقدير

    عندي استفسار اذا ما عليك أمر
    انا صار لي فترة اشتريت صنارة بسبب انها أريح وأسهل من الخيط واسرع وعادة اروح أحدق عند جسر سترة القديم او جسر الشيخ خليفه في الحد صوب الحجارة وخاطري مرة وحده اصيد غير القرقفان والمجوه او اصيد شي اكبر شوي

    حاليا انا استخدم خيط بو ٤٠ وميادير بو ١٥ وبلود رقم ١ وطعم روبيان

    شنو تقترح علشان اصيد مثلا شعري او شعوم او بالول
    هل أغير حجم الميادير والطعم؟ او استخدم طعم صناعي مثلا؟ وشلون طريقة البلد؟ نفس التركيب حق القرقفان؟
    او ان المكان اللي اروحه ما يصلح؟ وياريت لو تعطيني مكان حلو من تجربتك

    أشكرك عزيزي على الموضوع الممتاز واستمر وان شاء الله انكون من المتابعين لك
  16. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##


    يا مرحبا بك يانوخذة علي وشرفتني بمرورك ومدحك لي

    انا مو عارف اذا يظهرون عندكم الصور في الموضوع لو لا ؟ اذا ما يظهرون تقريبا كل الصور الي
    كانو عندي الي كنت رافعهم حق الشرح من (فلاش ميمري) مع الاسف الشديد مسحتهم من الذاكرة

    اما الجواب على استفسارك

    1- نعم كلامك صحيح السنارة اريح واسهل خصوصا اذا كنت تحدق من فوق الجسر او من على الحصى
    السنارة تحافظ على الخيط ما يتلعوز في التراب ولا يتعربك (يتشربك) خصوصا اذا كان الهوى قوي.

    2- بخصوص الحداق بخيط 40 و ميدار 14 كلش ممتاز وتقدر تسحب به حتى سمكة وزنها حوالي 8 كيلو.

    3- اذا تبغي تصيد غير القرقفان لازم تغير اليم (الطعم) او انك تنوع في اليم مثلا تستعمل ربيان وخثاق
    او ربيان وشرايب او خثاق وشرايب او فقط تسنخدم خثاق.

    4- لا تحدق في مكان واحد حاول انك تجرب تحدق في اكثر من مكان لان في بعض الاحيان تحدق
    في مكان كله شعوم وقرقفان ومجوى ساعات مكان ثاني كله لحلاح - مكان غيره كله شعوم وفسكر
    مكان ثاني مشكل شحاذي - شعري - قرقفان - مزيزي.

    5- بخصوص المكان ذكرت لكم في مداخلة سابقة بان المكان الي عند مطعم كل أفشان ممتاز
    بعد جسر الحد ممتاز - جسر سترة ممتاز - الجسر الي بين النبي صالح وأم الحصم بعد ممتاز

    انشاء الله اذا صار عندي مجال باصور لك طريقة شك الخثاق يمكن اول مرة في حياتك تشوف الطريقة.

    اخوك صياد السمك
  17. ali_amor

    ali_amor عضو جديد

    المشاركات:
    34
    الإعجابات المتلقاة:
    0
    نقاط الجوائز:
    0
    رد: ## تعلم أفكار وطرق الحداق من صياد السمك ##

    مشكور عزيزي على ردك السريع
    الصور ما شاء الله واضحة والشرح حلو ومفهوم وننتظر طريقة شك الخثاق

    بس ما قلت لي عن الطعم الصناعي هل يصلح في الاماكن هذه؟ وشنو النوع اللي لازم اختاره؟
  18. صياد السمك

    صياد السمك عضو جديد

    المشاركات:
    213
    الإعجابات المتلقاة:
    6
    نقاط الجوائز:
    0
    رد: ## تعلم أفكار وطرق الحداق من صياد السمك ##

    حشاك الكذب يا نوخذة علي صراحة ما جربت هالنوع من الطعم
    على فكرة في وايد ناس لين تتكلم معاهم يقولون لك يفداك الكذب
    وهذا غلط والصحيح حشاك الكذب /

    المهم انت تقصد نفس الي في الصورة صحيح

    [​IMG]

    بالنسبة عن هالطعم الصناعي الي من بلاستك او من ربل
    شفت بعض الحداقة يستعملونه بس بالنسبة لي ما جربت
    آخر تعديل: ‏23 ديسمبر 2012
  19. ali_amor

    ali_amor عضو جديد

    المشاركات:
    34
    الإعجابات المتلقاة:
    0
    نقاط الجوائز:
    0
    رد: ## تعلم أفكار وطرق الحداق من صياد السمك ##

    اي بالضبط انا افكر أني اجرب هالطريقة وفي بعض انواع الطعم يحاكي حركة السمكة في السباحة ويوهم انه سمكه حية لما تسحب الخيط. ان شاء الله لما اجرب أخبرك شنو النتيجة.
  20. عيسى الموفق

    عيسى الموفق عضو

    المشاركات:
    198
    الإعجابات المتلقاة:
    0
    نقاط الجوائز:
    16
    رد: ## تعلم أفكار وطرق الحداق من صياد السمك ##

    خوك من تجربتي الى هذا الطعم الصناعي اصيد دائما جدود( باراكود) ويفضل تربطه بسيم قبل ما تستعمله لانه الجد او الكنعد يقطع الخيط ويروح عليك الطعم والله يبارك لك

مشاركة هذه الصفحة