PROTECTION
Al Waseet
Zayani Instagram

جيز كيك + شعيرية بالجلكسي ...

الموضوع في 'مطابـخ البحـرين' بواسطة بلادية, بتاريخ ‏14 يونيو 2011.

حالة الموضوع:
مغلق
  1. بلادية

    بلادية عضو نشيط

    المشاركات:
    2,006
    الإعجابات المتلقاة:
    6
    نقاط الجوائز:
    38
    جيز كيك + شعيرية بالجلكسي ... من ايديا وحياة عينيا هع .. حياكم

    مرحباااا يا حلوين

    شخباركم شعلومكم شمسوين ان شاء الله زينين ؟؟

    اول شي اللي مايحب هدرتي لا تعب روحها بعدين تقعد تتحلطم علي هع هع عبارة عرفتوني لازم اقص القصة من طأطأ لسلام عليكم خخخخخ يعني اللي ماتحب تروح دايركت على الصور عشان ماتقول عني هدارة هع.. بس اشوى فيكم حبوا هدرتي هع هع

    المهم اني عبارة من زمان ماطبخت ولا حطيت صور له هع خيااابة على اصول هالايام بس امس مو امس يعني اول امس عبارة دخلنا في يوم جديد يعني يوم الاحد ههههههه
    رحنا بيت دولفينة كانت عازمتنا على الغدى اني وكات ومن وماقصرتي مسكينه غداها رووعة وحلويااات الدنيا ماشاء الله مسويه جتني حومة بس صدق روعة لو بيدي اكلتهم كلهم يعنو هع هههه

    واني تحيرت ويش اسوي واودي وياي فكرت وفكرت وقلت بسوي جيز كيك وشعيرية بالجلكسي

    المهم وسويته الصبح يعني كلش كلش حزة الحزة والجيز كيك اخترب واعتفس علي فوق تحت بس طعمه اوكي اهم شي هههههههه :bleh: لانه كان الوقت كلش ضيق عندي وكل شي بسرعة بسرعة سويته

    المهم شوفوا الصور تعبت واني اهدر هدويش :I:

    بسم الله

    اول شي الجيز الكيك ... على فكرة ماخذه الطريقة من وحده ويانا بالمنتدى من زمان كلش بس منو مادري صراحة لانه مسيفة عندي بس مادري منو كلش سهله فبقتها يعني خخخخخ الله يجزاها خير

    وهاي المقادير اللي بالصورة

    بسكوت هذا الاحمر اسميه عبارة الاسم صعب علي اقوله هههههه لا تفشلوني :blushing:
    قيمر 2
    حليب سائل استخدمت المراعي
    دريم ويب ظرفين
    جبن كيري 8 قطع
    جيلي فراولة 2 >>> ترى واااجد طلع يعني مادري لاني مو مسويه في بايركس عود ولا شنو بس بعد احسه واجد يعني واحد كفايه
    زبده غير مملحة

    [​IMG]


    واهني تفتفت البسكوت ماادري طحنته مادري طلعت روحه المهم جدي يعني يصير خخخخخ

    [​IMG]


    عقب ذوبت الزبده كلها وصبيتها عليه وحسيت يبغي ليه زبده بعد لانه ماصار البسكوت لين واجد

    [​IMG]


    واهني حطيتهم في البارسلات مادري ويش دلين البلاستك هههههههه ورصيته فيهم

    [​IMG]


    واهني حطيت في الخلاط القيمر اثنينهم والدريم ويب الظرفين والحليب والجبن الكيري وخلطهم لين ماصار غليظ وصبيتهم فوق البسكوت

    [​IMG]


    واهني فضل من البسكوت والخلطه وخليتهم في غضاير لبيتنا هع هع

    [​IMG]

    وعقب دخلتهم في الثلاجة نحارس على الاقل ساعة يعني جدي على ما تجمد الخلطة

    وبعدين سويت الجيلي

    [​IMG]


    واهني صبيته فوق الخلطة وهو حار من غبائي واخترب الحابل بالنابل لاني كنت حدي مستعجلة وهاذي بس وحده صورتها الثانية ماصورتها وعقب دخلتهم الثلاجة عشان تجمد

    [​IMG]


    واهني فضل من الجيلي واااجد وخليته في غضاير

    [​IMG]



    واهني جودوا بطنكم يعني شوي خليته الجيلي فوقه هذا في وحده من الغضاير بس صبيته فوق سمعت اصوات مادري شلون طليت بالثلاجة الا الاشياءات البيضة طفرت فوق الجيلي ههههههههههههه :laugh: شوفوا شلون صار شكلها وخشيته من ورى عشان ماحديشوفها وبعدين اني اكلتها والله لذيييذه بس معفوسه هههههههه


    [​IMG]



    وعقب دخلتهم الثلاجة عشان يجمدون

    هااا اشرااايكم ؟؟؟ :eh_s(8)::eh_s(15):


    بليييز لاحد يرد الا اذا حطيت الحلاوة الثانية :eh_s(15):
    آخر تعديل: ‏14 يونيو 2011
  2. بلادية

    بلادية عضو نشيط

    المشاركات:
    2,006
    الإعجابات المتلقاة:
    6
    نقاط الجوائز:
    38
    رد: جيز كيك + شعيرية بالجلكسي ...

    بسم الله ..

    وهاي الحلاوة الثانية اللي سويتها شعيرية بالجلكسي ..


    اول شي المقادير ماصورتها نسيت

    شعيرية <<< استخدمت جيسين
    حليب مركز
    زبده
    جلكسي <<< استخدمت اثنين
    قيمر <<< واحد
    كاكو فليك <<< اخذته للتزين بس

    الطريقة

    اول شي سويت الشعيرية حمصتها مادري ويش المهم على النار يعني لين مايصير لونها بني غامق هع وعقب خليت فوقها الزبده عشان ادوب عليها


    [​IMG]


    واهني بعد ماذابت الزبده خليت فوقها الحليب المركز

    [​IMG]


    وهني لما صبيته كامل وخلطه ويه الشعيريه وصار جاهز


    [​IMG]


    وبعدين خليته في هذا الصحون البلاستيك رصيته في القاع


    [​IMG]


    وفضل من الشعيرية خليته في صحن لاخواني هع هع


    [​IMG]


    وعقب جيت وخليت القيمر ويه الجلكسي ودخلتهم في المايكرويف عشان يذوبون ويه بعض


    [​IMG]


    واهني لما ذابوا وخلاص

    [​IMG]



    عقب صبيته فوق الشعيرية


    [​IMG]


    وصحن اخواني بعد مانسيته هههههههه

    [​IMG]

    وهذا صحن اخواني رشيت فوقه كاكو فليك

    [​IMG]


    واهني الصحنين رشيتهم بكاكو فليك بعد وعقب دخلتهم الثلاجة


    [​IMG]


    واهني يوم قريب بمشي طلعتهم من الثلاجة الجيز كيك والشعيرية وسكرتهم .. وحطيتهم بالجيس وجت لي كات ومن وتيسرنا بيت دولفينة هع هع


    [​IMG]



    الصحون الثانية وديتهم لرفيقتي هع <<< كريمة ماشاءا الله علي هع



    يالله نتظر ردودكم الكيووت هع :eh_s(8):
    آخر تعديل: ‏14 يونيو 2011
  3. مناله

    مناله عضو

    المشاركات:
    541
    الإعجابات المتلقاة:
    0
    نقاط الجوائز:
    16
    رد: جيز كيك + شعيرية بالجلكسي ...

    وااااو تسلم ايدش الاولى لاتعليق خخخخخخ بس الا لما اجربها صراحة والثانية بلاااااااااااوي عليكم بالعافيه هالمرة عزمونا مو بس تراوونا لصور تعورون بطوننا خخخخخ
  4. om fatoom

    om fatoom عضو جديد

    المشاركات:
    534
    الإعجابات المتلقاة:
    1
    نقاط الجوائز:
    0
    رد: جيز كيك + شعيرية بالجلكسي ...

    تسلم ايددددك يا بلادية حلوين السويتات وعااافية عليكم
    عندي صور للشعيرية بنزلهم نفسي تسوينه تقريبا :)
  5. القلب الصبور

    القلب الصبور عضو جديد

    المشاركات:
    389
    الإعجابات المتلقاة:
    0
    نقاط الجوائز:
    0
    رد: جيز كيك + شعيرية بالجلكسي ...

    الااااي عجيب جوعتيني من الصبح
    والجيز كيك نفس طريقتي بالضبط و حاطتنها اني اهني عفر بايقتها من عندي ههههههههههه

    بالعاااافيه عليكم ..
  6. عاشقة ابي تراب

    عاشقة ابي تراب عضو جديد

    المشاركات:
    450
    الإعجابات المتلقاة:
    0
    نقاط الجوائز:
    0
    رد: جيز كيك + شعيرية بالجلكسي ...

    هههههههههههههههههههههههههههههههههه
    الجيز كيك شي وهي معفوسة هههه
    الله يعطيش العافية
  7. أم أسيل

    أم أسيل عضو جديد

    المشاركات:
    1,633
    الإعجابات المتلقاة:
    5
    نقاط الجوائز:
    0
    رد: جيز كيك + شعيرية بالجلكسي ...

    :tears: أني أصلاً قايلة خلاص ما برد عليكم زعلت ما عزمتوني >> أدري ابتلشتون بي :ph34r:

    بس من روووعة الحلويات قلت لازم ارد ما يصير أدخل وما أشكر :eh_s(15):

    روووووووعة تسلم ايدش وما اشاء الله عليش كفاية شهادة دولفينة انه الحلو حلو يا حلوة

    وهذرتش احبها واجد بس تعالي بلادية شلون تقولين حطيتينه في صحون بلاستيك وهم ألمنيوم ؟؟ :nosweat:

    عليهم بالعافية اللي اكلوه واهم شيء سويتينه ما نسيتين اخوانش من صحن :eh_s(8): ولا نسيتين خواتش في القسم من صور :eek:h:
  8. الـزوز

    الـزوز عضو جديد

    المشاركات:
    948
    الإعجابات المتلقاة:
    4
    نقاط الجوائز:
    0
    رد: جيز كيك + شعيرية بالجلكسي ...

    الصحن المعفوس بلاووي ههههههه
    والشعيرية احبها عدل صار خاطري فيها
    تسلم ايدش خيوو وعليكم بالعافية
  9. Me.You

    Me.You مشرف سابق

    المشاركات:
    4,709
    الإعجابات المتلقاة:
    60
    نقاط الجوائز:
    48
    رد: جيز كيك + شعيرية بالجلكسي ...

    الجيز كيك مغري لانوو على كاكوو أمممم


    عوافي
  10. فرااوله

    فرااوله عضو جديد

    المشاركات:
    720
    الإعجابات المتلقاة:
    0
    نقاط الجوائز:
    0
    رد: جيز كيك + شعيرية بالجلكسي ...

    باعافيه عليكم




    خووش قصه صراحتن اهمشي الهدره قبل تفتح النفس عشان نشووف ويش قصه هالطبق اللي مسوتنه



    << الصحن المعفووس سدحني ضحك
  11. لمسة*حب

    لمسة*حب عضو جديد

    المشاركات:
    841
    الإعجابات المتلقاة:
    1
    نقاط الجوائز:
    0
    رد: جيز كيك + شعيرية بالجلكسي ...

    نسيتين
    القهوة
    مو حلوة الحلاوة بدون قهوة
  12. نسمات

    نسمات عضو جديد

    المشاركات:
    812
    الإعجابات المتلقاة:
    1
    نقاط الجوائز:
    0
    رد: جيز كيك + شعيرية بالجلكسي ...

    تسلم الايااااااااادي

    وعواااافي
  13. أم حمود وزنوب

    أم حمود وزنوب عضو نشيط

    المشاركات:
    1,181
    الإعجابات المتلقاة:
    1
    نقاط الجوائز:
    38
    رد: جيز كيك + شعيرية بالجلكسي ...

    الجيز كيك جربته اما الشعيرية ان شالله اجربهاا


    امس سويت جيز كيك قبل لا ادخلهااا الخزاان عجييبه ولا اختربت من دخلتهاا الثلاااجة من فوق صار صوب مرتفع صوب نازل طلعتهاا بوديهااا الثلاجة الثااانية الا معتفسه من القهر لصقت السالفة على زوجي وولدي ههههههه ليش ما جود ولده وخلااني اشتغل براحتي ههههه
  14. تفاؤل و أمل

    تفاؤل و أمل موقوف

    المشاركات:
    3,698
    الإعجابات المتلقاة:
    11
    نقاط الجوائز:
    0
    رد: جيز كيك + شعيرية بالجلكسي ...

    واووووووووووو حواوة روعة

    تسلم يدك يا شيف ونا اقول وين مختفيه
  15. nono moon

    nono moon عضو جديد

    المشاركات:
    5,137
    الإعجابات المتلقاة:
    12
    نقاط الجوائز:
    0
    رد: جيز كيك + شعيرية بالجلكسي ...

    واهني جودوا بطنكم يعني شوي خليته الجيلي فوقه هذا في وحده من الغضاير بس صبيته فوق سمعت اصوات مادري شلون طليت بالثلاجة الا الاشياءات البيضة طفرت فوق الجيلي ههههههههههههه :laugh: شوفوا شلون صار شكلها وخشيته من ورى عشان ماحديشوفها وبعدين اني اكلتها والله لذيييذه بس معفوسه هههههههه



    [​IMG]

    عجبنى هالتعليق وضحكت خصوصا الصوت الا طلع هههههههههه
    تسلم الايادى
    عقبال ما تنزلين لنا كل يوم طبق
    حلوياتك حلووه
  16. nono moon

    nono moon عضو جديد

    المشاركات:
    5,137
    الإعجابات المتلقاة:
    12
    نقاط الجوائز:
    0
    رد: جيز كيك + شعيرية بالجلكسي ...

    كملت مع تعليق الاخت ام حمود وزنوب هههههههههههههه
    تخربينه وتحطينها على الغير
  17. بلادية

    بلادية عضو نشيط

    المشاركات:
    2,006
    الإعجابات المتلقاة:
    6
    نقاط الجوائز:
    38
    رد: جيز كيك + شعيرية بالجلكسي ...


    الله يسلمش يااارب
    ههههههه
    الله يعافيج يااارب
    ان شاء الله الطلعة الجاية كلكم ويانا اكيييد
    مشكورة خيوو ماقصرتي
    نورتي والله

    الله يسلمش ام فطوم
    الله يعافيش ياارب
    يالله نحارسهم نزليهم له هع
    مشكورة على المرور خيه نورتي

    ههههههههه نزلتهم ونمت له هع عشان اجوعكم هههه
    ههههههههه والله يجوز يختي قلت ليكم اني بايقتنها من اهني بس مادري من عند منو صراحة ههههه اكو عرفتين اني بقتها فسامحيني هع
    الله يعافيش يااارب
    مشكورة خيوو

    ههههههههههههه اي يختي اشوى مع العفايس بس طلع اوكي لازم ماقدر اسوي شي من دون مايعتفس مستحييل
    الله يعافيج ياارب
    مشكورة على المرور


    هههههههههههه عمري عليج يا ام اسيل كل شي ولا انتين مانقدر نزعلش
    العزومة الفانية كلكم ويانا اكيييد وانتين اول وحده بعد بس بدون محد يتحجج
    احم احم ههههههه ماعرف اسوي اطباق رئيسية ماعرف الا للحلويات ويش اسوي
    حبتش العافية خلف جبدي كله بهدر عجل ولا يهمش هههههههه
    هههههههههه يعني الواحد مايغلط قدامش يا ام اسيل مشي العزا له بلاستيك ولا المنيوم كله واحد اصلا ماعرف ويش اسمهم قلت وبس هههههههههه لا تعلمين احد هع هع لا اتفشل هههههه
    الله يعافيج يااارب اكيييد مانسيتهم ولا نسيتكم
    مشكورة خيوو على المرور
    نورتيني والله

    ههههههههههه اني اللي اكلته هههههههههه هع
    افاا عليج في الطلعة الجاية بسويها لش ولا يهمش هع ولا يصير خاطرش في شي كل شي الا الزوز هع
    الله يسلمج خيوو ويعافيج
    مشكورة على المرور


    اممم خيوو الجيز كيك على فراولة مو كاكو الشعيرية اللي على كاكو هع
    الله يعافيج يااارب
    تسلمين على المرور


    الله يعافيج ياااااب
    هههههههههههه ويش اسوي احب اهدر واقول القصة بكبرها هههههههههه
    ههههههه مافي كلام على الصحن المعفوس اهم شي الطعم يختي ومحد اكله غيري اتفشل بروحي ههههههه
    مشكورة خيوو على المرور تسلمين

    هههههههه اي دولفينة ماقصرت بعد عمري قالت تبون قهوة جاي ماي اللي تبون قولوا بس خلاص فولنا مافي مجال ههههه
    مشكورة خيوو على المرور

    الله يسلمج خيوو
    ويعافيج ياارب
    مشكورة على المرور

    اي جربيها ام حمود لذيذه ترى هههههه ترى مافيه الا هي اضبطها ههههههههه هع
    ههههههههه بعد ماعندي رجل وواولاد عشان خلي السالفة عليهم اذا اخترب الشي هههههههه
    مشكورة خيوو على المرور
    نورتي




    ههههههههه اي ويش اسوي مالي زاغر اسوي شي يختي
    الله يسلمش يااارب
    مشكورة خيوو على المرور


    هههههههههههههه
    اي والله طلع صوت مادري شلون يعني هههههههه
    الله يسلمش يااارب
    ان شاء الله كل مااسوي شي لازم انزل اهني
    مشكورة نونو على المرور نورتي


    هههههههههههه اي ماعندي احد المشكله احط عليه السالفة له ههههههههه هع


    :eh_s(8)::eh_s(8):
  18. صفحات حزينة

    صفحات حزينة عضو جديد

    المشاركات:
    126
    الإعجابات المتلقاة:
    0
    نقاط الجوائز:
    0
    رد: جيز كيك + شعيرية بالجلكسي ...

    جي الطبخات لناس وناس اني مايخصني الطلعة الجاية اتسوينهم ثنتينهم ولا تنسين اتخلين ليي من كل واحد صحن خاص
    ويلي بلادية عذاب ماتدرين اني اسوي رجيم الاشياءات طاحت من بوزي هههههه
    الصراحة لا تعليق الاطباق ولا اروع
  19. بلادية

    بلادية عضو نشيط

    المشاركات:
    2,006
    الإعجابات المتلقاة:
    6
    نقاط الجوائز:
    38
    رد: جيز كيك + شعيرية بالجلكسي ...




    هههههههههههه افااا بس خلنا نجمع ونطلع ويه الطوايس بسوي ليش ولا يهمش هع
    غربلتين روحش بالرجيم هع هع لالا واصلي نبغي نشوف عصايا له هع
    يسلموو بعد جبدي
    ماقصرتي
    مشكورة على المرور :eh_s(8):
  20. قلبي يهواه

    قلبي يهواه عضو نشيط

    المشاركات:
    1,785
    الإعجابات المتلقاة:
    1
    نقاط الجوائز:
    38
    رد: جيز كيك + شعيرية بالجلكسي ...

    هدرتش حليوه
    تسلم دياتك على السويت
    وعليكم بالف عاافيه
حالة الموضوع:
مغلق

مشاركة هذه الصفحة