PROTECTION
Al Waseet
Zayani Instagram

ظاهرة الأعجاب بين الشاب والفتاة في السفر

الموضوع في 'استـراحـة الأعضـاء' بواسطة خوؤخة, بتاريخ ‏3 ديسمبر 2011.

حالة الموضوع:
مغلق
  1. خوؤخة

    خوؤخة موقوف

    المشاركات:
    1,324
    الإعجابات المتلقاة:
    0
    نقاط الجوائز:
    0
    السلام عليكم
    اعتقد هذا الموضوع ما تكلمنه عنه وهو فعلاً ظاهرة تصير في السفر
    بان شاب ينعجب بفتاة وياه في الباص و يظل يطالع فيها طول الوقت و يحاول بأي طريقة يكلمها
    ويتقرب منها وتصيده الرغبة الشديدة في الجلوس وياها لفترات طويلة والتلهف إلى لقائها وإطالة النظر في وجهها ومع الأسف شفت واجد جدي و اني شخصياً تعرضت لمثل هذا الموقف كنا مسافرين سوريا و في واحد ويا زوجته و اولاده ويانا في الحملة ظل يطالعني طول ما احنا في الباص و لما رجعنا البحرين و مرة كنا مسافرين ايران المقاول نفسه انعجب فيني يا زعم بس هذا عاد صار جريئ و جاء صارحني هههههه يا سلام والله مسخرة وواجد الاحظ بنات يسولفون فلان حبني في السفر و مادري ويش
    في احد فيكم تعرض لهالموقف ؟؟؟؟؟؟؟؟؟؟؟
  2. sara1234

    sara1234 عضو متميز

    المشاركات:
    1,596
    الإعجابات المتلقاة:
    149
    نقاط الجوائز:
    63
    رد: ظاهرة الأعجاب بين الشاب والفتاة في السفر

    عدة مرات تعرضت لها ما يسوى يخربون زيارة الواحد خسارة فلوس بالغصب طالعه اجازه من الشغل في نهايه يخربون الزياره وفوقها ذنب واثم انا بصراحه صايره ما عندي اخلاق ادخل الباص في السفر ما اسلم على احد ما اطالع احد لان مره صارت واحد طرش امه حقي وصارت تسولف وياي وانا خبر خير بعدين طلعت تتوسط حق ولدها مادري اذا كانوا جادين لو بس يشيكون الطاقه مالت اخلق بعدي اي ولا فشلني ولدها كان يستغل ا ن تقعد وياي والدته ا اشوفه ايرز روحه عيب في زياره احنا ما يصير كلما تصير فرصه يقعد يكلمني ثقيل الدم وانا خبر خير يا زعم اجامل امه في النهاي الناس صارت تتكلم عني وامه صارت تقول ا تبغي تخطبني وكل الحمله درت وانا اصلا ما ابغي الصبي ما يناسبني بالمره ولاني غبيه عطيته فرصه يكلمني ومن يومها صرت ما عندي اخلاق لادخل الباص مبوزه ما اسلم ابغي ثواب الزياره ما اخسرها غير كلام الناس اللي ما يرحم وطلع عني غير ان عيب ما يليق بمكان زياره تنفتح فيه مواضيع زواج بعد الزياره اذا في موضوع يصير خير مو في الزياره اكره سفره في حياتي خربوا الزياره كامل وخلوا الناس تتكلم عني
  3. أم جوودي

    أم جوودي موقوف

    المشاركات:
    4,449
    الإعجابات المتلقاة:
    4
    نقاط الجوائز:
    0
    رد: ظاهرة الأعجاب بين الشاب والفتاة في السفر

    وآيد صادتني مواقف هلون
  4. وردة نايس

    وردة نايس مراقبة عامة

    المشاركات:
    2,178
    الإعجابات المتلقاة:
    211
    نقاط الجوائز:
    63
    الجنس:
    أنثى
    رد: ظاهرة الأعجاب بين الشاب والفتاة في السفر

    الناس الي جذي ينعرفون من نظراتهم من البداية فما اعطيهم الفرصة
    وبالاساس لما اجوف بالمكان فيه هالنوعية من الشخصيات مااسلم على احد بالمره
    ولا اسولف حتى مع النسوان الا في اشياء بسيطة جدا جدا
    اشغل نفسي الاعب اليهالو احيانا وآخذهم من عند اهاليهم شوي
    من غير مااتطرق لمواضيع شخصية او اتيح لهم الفرصة
    وكل بنت اذا تبي تتجنب هالمواقف تعرف طريقها
    عساه لو يبقق عينه من اليوم لباجر
    وبعضهم يضحك ويسوي حركات والي يعطي نغزات
    بس ليش بالاساس تطالعونهم الخطا منكم موبس منهم
    1 person likes this.
  5. Ibn Albalad

    Ibn Albalad موقوف

    المشاركات:
    1,741
    الإعجابات المتلقاة:
    19
    نقاط الجوائز:
    0
    رد: ظاهرة الأعجاب بين الشاب والفتاة في السفر

    يمكن فعلا شاب و يبغي يتزوج. و ماكو اي تضاد بين الزيارة و الزواج، مو لمغازل و الوقاحة.
  6. أحمد_بحرين

    أحمد_بحرين مدير سابق

    المشاركات:
    2,175
    الإعجابات المتلقاة:
    270
    نقاط الجوائز:
    83
    الجنس:
    ذكر
    رد: ظاهرة الأعجاب بين الشاب والفتاة في السفر

    السلام عليكم

    اختي ماعتقد ان هذا الامر يعتبر ظاهرة.

    الاعجاب موجود بكل مكان وليس في السفر فقط، احيانا يكون اعجاب بقصد الارتباط واحيانا لنوايا اخرى.

    لانستطيع ان نعلم مافي داخل القلوب من نوايا ولكن اسمحي لي الرجل اللي يكون مع زوجته واولاده ويتم يطالع فيك طول الطريق هذا اعتبره شخص وقح وقليل ادب وماعنده اي احترام الي نفسه وزوجته واولاده حتى لو كانت نواياه طيبة.


    تحياتي
  7. _ أم هيا _

    _ أم هيا _ عضو جديد

    المشاركات:
    450
    الإعجابات المتلقاة:
    12
    نقاط الجوائز:
    0
    رد: ظاهرة الأعجاب بين الشاب والفتاة في السفر

    والله تبغون الصراحة صار وياي هالموقف طبعاً قبل لا حتى انخطب كنا رايحين العمرة وطبعاً هالشباب ولا يفتركرون طبعاً مو كلهم ما نبغي نجمع بس عن جد في شباب ما يفتركرون يعني ما يقولون إحنا رايحين عمرة ما في داعي لهالحركات واللي يسوي روحة ناسي أغراض يا رايح يا جاي من صوب الحجرة في الفندق يطوف قدام الحجرة ويتكلم بصوت عالي ويقول كلمات مصخرة وإذا طلعتين من الفندق تتسوقين ويا اهلش هم اشكره يلاحقونش من مكان لمكان يا زعم هم بعد يتسوقون وينتظرونش لمن تنزلين من الباص في المحطات عشان يمشون وراش .............

    والله قلة حيا :i:
    الله يهدي الجميع
  8. الشهاب اللامع

    الشهاب اللامع موقوف

    المشاركات:
    722
    الإعجابات المتلقاة:
    5
    نقاط الجوائز:
    0
    رد: ظاهرة الأعجاب بين الشاب والفتاة في السفر

    قلة ادب......
  9. Barca

    Barca عضو

    المشاركات:
    592
    الإعجابات المتلقاة:
    12
    نقاط الجوائز:
    18
    رد: ظاهرة الأعجاب بين الشاب والفتاة في السفر

    عين الصواب هالرد

    وبشكل عام اما اعتبره ظاهرة
  10. princeesa

    princeesa عضو جديد

    المشاركات:
    498
    الإعجابات المتلقاة:
    5
    نقاط الجوائز:
    0
    رد: ظاهرة الأعجاب بين الشاب والفتاة في السفر

    احس هادي مواقف تصيدنه في اي مكان يعني مايخص السفر ع الاوادم الي بتكونين معاهم
  11. محبوبة

    محبوبة عضو جديد

    المشاركات:
    208
    الإعجابات المتلقاة:
    1
    نقاط الجوائز:
    0
    رد: ظاهرة الأعجاب بين الشاب والفتاة في السفر

    .................................................
    الله يهدي الجميـــــــــــع
  12. أم جوودي

    أم جوودي موقوف

    المشاركات:
    4,449
    الإعجابات المتلقاة:
    4
    نقاط الجوائز:
    0
    رد: ظاهرة الأعجاب بين الشاب والفتاة في السفر

    في واحد سوا لي جذي بالضبط بالضبط
    الله يهدي الجميع
  13. جعفر المرخي

    جعفر المرخي مشرف سابق

    المشاركات:
    7,054
    الإعجابات المتلقاة:
    54
    نقاط الجوائز:
    48
    الجنس:
    ذكر
    رد: ظاهرة الأعجاب بين الشاب والفتاة في السفر

    حتى نصبح منصفين ايضا هناك فتيات يبالغن في طريقة لبسهن وكلامهن وتصرفاتهن بتقصد واستهداف حتى يتحرش بهن الشباب ، وهذا امر ربما اكبر واكثر مما يحصل من بعض الرجال في زمننا هذا ، فحتى يصبح هناك توازن في طرح الموضوع وجدت انه من المنطقي ذكر ذلك ..
  14. باحثة

    باحثة عضو متميز

    المشاركات:
    3,762
    الإعجابات المتلقاة:
    38
    نقاط الجوائز:
    48
    رد: ظاهرة الأعجاب بين الشاب والفتاة في السفر

    يمكن انتين تجننين والجمال بلوى يخوخه و يا تغطين وجهش وتلبسين برقع يا تنخشين في بيتكم:laugh:



    مساكين لصبيان البحارنه مظلومين في كل شي
    وش حلاوتهم في السفر كرم وخدمه يعطونش عيونهم


    في بعض الاحيان تظن الفتاه ان بتلك النظرات بمصادفه ان الشاب يضمر لها امرا ما وتكون خاطئه في تلك الاحيان

    وان كان الاعجاب بمردود ايجابي وهو الزواج فلا ضير منه وما المانع

    اما حركات المراهقين فموجود في كل مكان , وفي الزمن الذي تتحرش فيه الفتاه قبل الشاب ايضا

    والله صار خاطري اشوف صبي يغازل بنيه في هالزمن و صرت اشوف العكس
  15. ام فطيم

    ام فطيم عضو جديد

    المشاركات:
    4,297
    الإعجابات المتلقاة:
    0
    نقاط الجوائز:
    0
    رد: ظاهرة الأعجاب بين الشاب والفتاة في السفر

    اي والله

    لازم تصير هالمواقف

    اذا في مكان عام تصير أشلون اذا في مكان محصور !!

    الله يهدي الجميع
  16. ضحية صمت

    ضحية صمت عضو

    المشاركات:
    62
    الإعجابات المتلقاة:
    0
    نقاط الجوائز:
    6
    رد: ظاهرة الأعجاب بين الشاب والفتاة في السفر

    بنات وآآيد يتعرضون حق هالمواقف
    بس سوآآل صريح حق الشباب لو اختك اللي طايحة في هالموقف
    اللي انت قاعد تسويية ويا بنت الناس شنو بتسووي ؟؟
    لو كانوا مثل مايقولون معجبين ليش يدخلون من الدريشة والباب مفتوح ؟؟!

    بس قبل كل شي حط روحك في هالمووقع
    وطبعــأأ بعض الشباب بيقولون عادي ماعندي خوات
    مردكـ بتتزوج وبتصير عندكـ مرة وماتدري شنو يصير
    مابنقول المرة بنقوول بيصير عندكـ بنت

    ترى الدنيــــأأ دوارة
  17. لجين*

    لجين* عضو جديد

    المشاركات:
    602
    الإعجابات المتلقاة:
    0
    نقاط الجوائز:
    0
    رد: ظاهرة الأعجاب بين الشاب والفتاة في السفر

    مجرد نــــــــــزوه
    ومو بس نزوه فضاوة بعد..
    لان في الباص نتم متمللين مافي الا الي حوالينا..
    وفي اعتقادي الي يتعلق بمجرد نظرات بهذه الطريقه يعني واحد فاضي ويبي يقزرها عليي..
    تعرضت لهلموقف وكنت متقززة عدل..
    اقولها بالصراحه (ويع)
    مو ناقص الا حركات المراهقه الا حتى في المراهقه ماسويتها

    تحياتي
  18. عازفة الاحلام

    عازفة الاحلام عضو جديد

    المشاركات:
    90
    الإعجابات المتلقاة:
    0
    نقاط الجوائز:
    0
    رد: ظاهرة الأعجاب بين الشاب والفتاة في السفر

    مم،، احس اغلب الناس مرووا فيها حتى لو كانت مو في السفرر

    واني بعد صادني هالمواقف بس أطنش وما اجيب خبر،،،

    الله يهدي الجميع ويهدينا يارب
  19. Dalo03a

    Dalo03a عضو

    المشاركات:
    222
    الإعجابات المتلقاة:
    1
    نقاط الجوائز:
    18
    رد: ظاهرة الأعجاب بين الشاب والفتاة في السفر

    ما صار لي هالشي ومااعطي جانس ان يصير كله نافخه روحي
    وماحد يكلمني وبراطمي شبرين لين نسافر
  20. سارووو

    سارووو عضو

    المشاركات:
    189
    الإعجابات المتلقاة:
    0
    نقاط الجوائز:
    16
    رد: ظاهرة الأعجاب بين الشاب والفتاة في السفر

    عاد انه صادتني كنت رايحة المدينه طبعا الوالد راعي حملة وكنا قاعدين في الرسبشن لانه تونا واصلين وابوي عطاني شنطته الغاليه هههه الي فيها جوازات الاوادم واوراق وحاله قالي تحملي فيها وانه خذيتها وقعدت على صوب على مايوزع المفاتحين الا شوي يجيني واحد ويقعد قبالي بضبط هو كان معانا فلباص بس قدام ماجفته الا فلفندق وسدح روحه على الكرسي وتم يطالع وانه افر وجهي يمين ومره يسار واهو يبتسم ولا احلى مافلموضوع بنت راعي الحملة وافضيحتااااااااه قمت قعدت وراه بضبط جان يقوم ويقولي ووين ابوج ويلاااااااه قتله هااا مادري هناك هو راح وانه شررردت ومن عقبه كل مايجووفني يبطل بوزه شصاير مادرررري وانه انحاش لحد يجوفه يطالعني وصير سالفه ...

    ماعتقد في احد ماصاده موقف فسفر ولا في الديره
حالة الموضوع:
مغلق

مشاركة هذه الصفحة