PROTECTION
Al Waseet
Zayani Instagram

كل وحده تكتب شلون عرفت انها حامل

الموضوع في 'مستلزمات الأطفال' بواسطة khanom, بتاريخ ‏29 سبتمبر 2010.

حالة الموضوع:
مغلق
  1. khanom

    khanom عضو جديد

    المشاركات:
    21
    الإعجابات المتلقاة:
    0
    نقاط الجوائز:
    0
    انا هذي قصتي

    في عيد العمال الي فات رحت العمره مع زوجي و اختي وزوجهاو طبعا اخذت الحبوب الي يوقف الدوره مده 22 يوم و معروف عني في الباص ما اسكر عيوني( دوربيناتي على طول مولعه اطالع الطريق) لكن الي صار اني حصلت كرسي في اخر الباص و تميت نايمه على المكينه طول الرحله .
    رجعنا البحرين و انتظرت خمسة ايام عشان الدوره تنزل ما نزلت و كان جسمي يألمني حده و كنت مداومه في الشغل من ثاني يوم وصلنه , اتصلت في زوجي من الشغل و قلت له ودني اي مستشفى و مريت عليه في البيت (كان اجازه) و شلون وصلت ما ادري !!

    المهم رحنا مستشفى شفاء الجزيره دخلت على الدكتوره و قلت ليها ان الدوره ما نزلت بعد ما تركت لحبوب و الحين جسمي يألمني و قلت لها عطيني لحبوب الي ينزل الدوره ,قالت (نونونو اول يسوي تحليل ممكن في حامل )قلت ليها لا حامل ولا شيء بس ما رضت , المهم رحت المختبر عطيت دم و رجعنا مره ثانيه قعدنا صوب حجرت الدكتوره ننتظر النتيجه ( يبي لها نص ساعه) قال زوجي برح اجيب النتيجه الحين طلعت و اني قلت له اوكي بروح الحمام لأني احس شيء نزل ؟؟؟؟؟؟؟!!!!!!!!!!
    رحت الحمام الا نازل دم احمر واجد (استانست)و قلت اشوه نزلت قبل ما اتبهدل ويه لحبوب و توني طالعه من الحمام الا زوجي راجع بالنتيجه و اني مستانسه و اقول له ما يحتاج ندخل نزلت الدوره و قال لا لا دام النتيجه عندنا بدخلها ليها و بنتأكد ( زوجي فضولي دائما يطالع النتيجه بس هالمره حتى ما فتح الظرف) .

    نادتنا و دشيت اضحك و اقول دكتوره نزلت الدوره خلاص .
    و الصدمه:24: انتي حامل مبروك !!!!!!!!!!!!!

    طبعا اني قلت ليها اكيد في غلط و اقول لزوجي ما يصير اني متأكده اني مو حامل و هاوشت الدكتوره المسكينه ( على فكره اني طارحه مرتين و بعد يومين من اعرف اني حامل اطرح)
    قامت هدأتني و اني أقول ( ليش يا ربي ما افرح بحملي ) أستغفر الله
    و بعد قلت ليها لازم تتأكدين اكثر .
    قامت و اتصلت المختبر عشان يسون لي تحليل يبين اني حامل في كم اسبوع
    و طلع اني في الاسبوع السادس باقي اسبوعين و ادخل الشهر الثالث و عطتني أبرة تثبيت.و وقف الدم .

    و طبعا بعد معاناة و نزيف حاد و رقاد بالمستشفى لمدة 21 يوم اني الحين بنهاية السادس الله يتمم علي و على كل حامل بخير .

    استفيدو من قصتي و تأكدوا قبل ما تاخذون لحبوب الي يوقف الدوره.
  2. Al_Hanan

    Al_Hanan عضو جديد

    المشاركات:
    316
    الإعجابات المتلقاة:
    0
    نقاط الجوائز:
    0
    السلام عليكم ورحمة الله وبركاته

    موضوع حلو شيق نعيد ذكرياتنا ... بالنسبه لي انا اول مره حملت طرحت بس اشلون عرفت
    جتني الدورة عادي بس استمرت معاي لحد 13 يوم قلت غريبه وخبرت بنت خالتي عن السالفه
    قالت لي يمكن حامل ولا تدرين وصج .. رجعت البيت على طول جيكت بجهاز الحمل المنزلي من الصيدليه وطلعت النتيجه اني حامل .. بس ما صدقت لان قلت اشلون انا فيني الدورة

    رحت لمرة حميي وراويتها الجهاز تقول لي مبرووووووك انتي حامل وعلى طول رحنا المستشفى .. نتأكد من النتائج ولا يفوتكم كان يوم السبت دريت بحملي وهو يوم عيد ميلادي ..
    بعدين سووو لي تحاليل بالدم .. بعد كم يوم طلعت النتيجه وطلع ان انا كنت حامل ولي شهر بس طرحته في اثناء وقت الدورة الثانيه ...:tears:((وتالي صادتني نكسه صحية قلبي عورني :nosweat:))

    اما عن خبر حملتي الثانيه ..
    كان يوم الاي بجين الدورة رايحين العائله برجه .. انا ما تسبحت قلت يمكن حامل والكل حن علي
    تسبحي (( انا ما قربت صوب الماي .. قعدت في الحجرة وما طولت تالي رجعت البيت ))
    المهم بعد 7 ايام رحت المستشفى وجيكت وطلعت النتيجة ان انا حامل ..
    بس لما خبرت زوجي كانت الفرحة عادية و حسيته خايف اكثر من مستانس :blushing:

    والحمد لله على كل حال .. احين عندي بنوته عمرها 7 اشهر الله يخليها ويخلي اعيالكم
  3. كامستكا

    كامستكا عضو

    المشاركات:
    36
    الإعجابات المتلقاة:
    0
    نقاط الجوائز:
    6
    الله يتمم عليكم الفرحه يارب


    اني من زمان اتذكر اني بعد ما اتزوجت بسته اشهر ابتديت اخطط للحمل
    اكدت

    لكن بعد اسبوع من انتشار خبر حملي صادني نزيف و طرحت واحد لاني كنت حامل بتوأم و اضطريت ارقد شهر واخذ اجازه من الشغل لين الثالث

    الحين عندي علاوي عمره اربع سنوات و نص

    الله يخليه و يجيب ليه توام بنات يارب

    ومن البدايه قبل الدوره بيومين جيكت وطلعت النتيجه ضعيفه سكت اسبوع بعدين ت
  4. الغيورة

    الغيورة عضو جديد

    المشاركات:
    255
    الإعجابات المتلقاة:
    0
    نقاط الجوائز:
    0
    دعواتكم اليي خواتي الله يعطينا الذرية الصالحة خااااااطري اصير ام
  5. أم سندس

    أم سندس عضو جديد

    المشاركات:
    1,956
    الإعجابات المتلقاة:
    0
    نقاط الجوائز:
    0
    الغيورة الله يعطيش ان شالله بحق ام البنين ع

    khanom مشكورة ع الموضوع الحلو والحمدلله انش رحتين المستشفى الله مايسوي شي الا فيه الصلاح يعني الله كاتب لش تروحين وينزل منش دم في المستشفى ويعطونش أبر , يمكن لو نطرتين أكثر انجان لا سمح الله........ لكن الحمدلله والله يثبته لش ان شالله ويسهل عليش حملش وولادتش وعلى كل حامل ويعطي كل محروم بحق محمد وآل محمد الطيبين الأطهار:23:


    أما بالنسبة لي فمثل ماذكرت لكم في موضوع سابق ,من اول ماانخطبت واني خاطري في كتاكيت(أمووت عليهم):eh_s(21): ولما قررنا انه انه نجيب ولد, قمت كل مرة آخذ لي جهاز كشف الحمل ليما تقريبا وصلوا يمكن 7 أجهزة وكل مرة يطلع مافي حمل اتضجر وانعفس:eh_s(16): وشهر 3 سافرت للعمرة وكنت ادعي ليل ونهار واتوسل بأم البنين وبأهل البيت (ع) ونذرت بأنه اذا حملت قبل محرم راح أساعد باللي أقدر عليه في طباخ الوفاة وكنت كله خايفة أنه يطلع فيني شي يعيق الحمل والحمدلله ربي رجعت البحرين وتعالجت عن الالتهاب الا ودعائي مستجاب وهذاك اليوم اللي دريت فيه عن الحمل كنت قبله بيوم مريضة وجايتني سخونة خذيت لي أدوية من الصيدلية وصرت أشرب فيهم لكن أمي العودة منعتني قالت لي مايصير تشربين أدوية وبس يمكن تطلعين حامل وعقب مرت خالي راحت شرت لي جهاز من الصيدلية بدون مازوجي يدري (حتى اذا ماطلعت حامل مايتحبط),, المهم ذاك اليوم كنت نايمة في بيت امي العودة لانه من السخونة مارجعت البيت ونطرت للصبح ومن صرخة الله أكبر أذان الصبح رحت ع الحمام وجيكت وطلعت لي النتيجة وماتوقعت انه تطلع مختلفة عن كل مرة :eh_s(2): وتوقعت بس خط وا حد وشقيت البوز نصين عقب صليت صلاة الصبح وركعتين الشكر وسجدت لله سجدة الشكر ولما جت أمي الصبح بيت أمي العودة خبرتها واستانست وعقب اتصلت في زوجي ولمحت اليه وهو حاس يقول لي رحت صليت صلاة الشكر وعيوني تدمع :tears: لاني متاكد انش حامل,,
    والحمدلله اكا حملت قبل محرم ومن المتوقع أولد في محرم (ماخاب من تمسك بأهل البيت ع )
    وهذي كل الحكاية :eh_s(22):

    رب فرحني يفرح كل محروم ان شالله:million_two:
  6. أم نضال

    أم نضال متجر أم نضال التجاري

    المشاركات:
    1,862
    الإعجابات المتلقاة:
    0
    نقاط الجوائز:
    0
    أخ على ايام الحمل

    الحمدلله طبعا احين ولدت وصار لي 29 يوم

    شلون عرفت انه حامل

    كان يوم شبه ماساوي زز
    كنت رايحه الجامعه وبرررررد جدا .. يوم ثامن محرم ..
    رحت اقدم كويز الساعه 8

    بعدين المفروض يجيني زوجي .. وماجه لي والكليات في الجامعه كلها المكيفات تشتغل ومااقدر على البرد .. ففعندي اقعد بره الكلية افضل لي من داخل

    فضليت بره انتظره .. وهو مايرد على التلفون ( بصراحه كنا متهاوشين) .. وانا خوب ادز لها مسجات سخيفة وحركات مال الهواش البايخه هههههه
    المهم وهو مايرد .. ولله كنت اصيح من البرد والألم الي في ظهري .. وضربتني صخونة عدله
    انتظره من الساعه 8 ونص وما جه لي الا الساعه 11 وشوي .. والي يطوف علي من بنات او صبيان يقولون لي تبين نوديج المستشفى ؟ تبين نوصلج البيت .. !
    وانا اقول لهم لا احين بجي زوجي
    وانا كلششششش .. الألم في ظهري ذابحني .. والبرد أكثر ..
    دمووعي كانت تصب .. وراسي انفجر من الصخووونة ... المهم جا حضرته الساعه 11 وشوي ..
    ووصلني الى بيت اهلي .. ( كانت امي مسافرة فكنت لازم اقعد بالبيت مع اختي) وطول ماحنا بالسيارة ساااااكتين وانا اخش دموعي ما ابي اكسر نفسي قدامه

    المهم وصلت وعلى طول قمت اصيح .. شافوني خواتي والصخوونة ضاربة التوب ..
    فرحت المستشفى ( الأمل) .. وطقوني ابر مالت الصخونة وسيلان وهالهرار ورجعنا البيت الساعه 4 ومن وصلنا البيت نمت الى يوم ثاني ..

    المهم .. لما قعدت كانت المغرب .. فقعدت مع خواتي وكان ليلة تاسع محرم ..
    وسألوني عن موعد الدورة قلت لهم باقي 4 ايام .. بس احس بألم في ظهري فأكيد بتنزل اليوم او بكرة بالكثير
    خخ ماصدقوني .. ! فقامت وحدة من خواتي واشترت تحليل حمل خطي

    وسويته بنفس الوقت وطلع خط واحد وعلى طول قطيته

    اختي من كثر الفضول والهوس .. راحت خذت الجهاز مرة ثانية .. هههه وتصارخ !
    تقول فيه خطين !!!!!!!

    ورحت شفته الا هو واحد غامق وواحد فاتح
    قلت لها هرار ...

    وبعد مناقشات عظيمة اتصلت لريلي وقلت لها ابي تحليل clear blue الديجيتل .. ابو 7 دب .. هذا يطلع النتيجة من قبل موعد الدورة وطبعا ديجتل

    وطبعا قببل لا اقول له يجيب التحليل .. قلت له بالي صار لي قبل بيوم .. وأنبه ضميره وذبح عمره من الاعتذار خخخ بس انا كان همي اوصل لموضوعي بسرعه

    فبعد تقريبا نصف ساعه جاب لي التحليل وسوووويته

    وبييه استاااااااااانس عدل.... انا كنت من بعد التحليل الاول والخطين الي شفناهم جاني احساس انه حامل خلاص ... بس فرحتي وياه كاااانت احلى
    خخخخخ نقطنا كم دمعه على الطاير ..

    والحمدلله كان ليلة تاسع ليلة وففاة علي ابن الحسين في محرم
    وولدت ليلة وفاة الامام علي في رمضان
    فأكيد سميت ولدي ( علي )

    واسممحولي ع الاطالة
  7. Janaa

    Janaa عضو نشيط

    المشاركات:
    1,038
    الإعجابات المتلقاة:
    0
    نقاط الجوائز:
    36
    امممممممممم انا بالنسبه لي عقب 6شهور من زواجنه حملت بس عقب 3 شهور طرحت :tears:وقبل موعد الدوره ب3 ايام اخذت تستر وجيكت طلع لي خط غامج والثاني فاتح حده وماصدقت طرت امي الا اتقول لي اي في وفرحت مسكينه:eek:h: وايد واختي ياتها الصيحه اما زوجي مسكين ماعرف شسوي لدرجه ان بيتهم كانوا مسافرين اتصل فيهم وخبرهم بس للاسف الله ماكتب لي:tears: بس اتصدقون اول ماعرفت اني حامل عقبها باسبوع الHR مالنه في الشغل ناداني وقالت لي في زياده لج هالشهر الا امي اتقول لي شفتي خيره ياج قبل لا تشوفينه :blushing:وللحين الله ماكتب لي اني احمل بس هالمره متاخره ع المفروض اتيني تاريخ 12/8 وللحين مانزلت علي رحت سويت تحليل دم في اليوم 12 وطلع مافي بس انا ماادري ليش حاسه اني حامل حتى الدكتوره يوم اتصل فيها قالت لي اخذي حبوب وخلي الدوره تنزل بس انا كنت وايد متردده وخذيت استخاره وطلعت لي ان مو زين وان اصبر لان بنت خالتي نفس الشي في يوم 11 سوت تحليل دم وطلع مافي حمل بس عقب تعبت وسوه لها اشعه ع خشمها لانها كانت اتحس بالم وصعوبه في التنفس وعقب فتره راحت المستشفي كانت تعبانه وقالت لها الدكتوره لازم تسوين تحليل الحمل وكانت حامل بس قالت للدكتوره انها مسويه اشعه ع خشمها فدكتوره قالت لها ان هالنوع من الاشعه خطر ع الجنين فاحتمال عود ان راح يتشوه او تطرحيت ومسكينه عقب اسبوع طرحت :I:وانا متحيره وما اعرف شسوي ادعوا لي احمل ايب سيد صغيرون وافرح قلب زوجي :friends:
  8. الغيورة

    الغيورة عضو جديد

    المشاركات:
    255
    الإعجابات المتلقاة:
    0
    نقاط الجوائز:
    0
    الله يسر الى الجميع وكل وحده اجوووف ولدهااا في حضنهااا اميييين يارب بحق ام البنين وباولادهاااا والمصائب التي حلت بام المصائب السيده زينب عليهاا السلام لا تنسوووونا من الدعااء ترى دعاااء المؤمن الى اخيه المومن مجاااااب
  9. ام شذى الزهراء

    ام شذى الزهراء عضو جديد

    المشاركات:
    133
    الإعجابات المتلقاة:
    0
    نقاط الجوائز:
    0
    الصراحه موضوع عجيب و يذكرش باشياء حلوة
    و الا ما عنده بيبي الله يرزه انشاء الله بحق اهل البيت ( عليهم السلام )
    انا بعترف لكم بشي طبعا من و انا اجهز الشقه كنت ابي اسوي البيبي بس الله ما كتب و ظليت ليه سنه البضبظ و حملت و طول هالسنه و انا احاول احمل و كل ما تجي الدورة الشهريه اصيييح و كم اختبار حمل جربت و ما في حمل و بعد سنه بالضبظ حملت تاخرت علي الدورة بس كم يوم و انا كنت اكلو ارجع المفروض تجي لي الدورة يوم الاثنين و تاخرت علي بس الثلاثاء و الاربعاء و انا اكل و ارجع و يوم النتيجه كان يوم الخميس و احنا دوامنا لين ما نخلص شغل لان اشتغل في جريدة و خلصت على الساعه 5 و نص تقريبا و اتصلت في زوجي و اتفقنا نروح المعرض و ركبت السيارة فقال لي زوجي خلنا نروح نجرب في حمل او لا فقلت له على طول نسوي دم لان مافيني شده كل مرة اسوي تست ومافي حمل فرحنا كيمز و كان الساعه 6 يوم ياخدون مني دم و قالو انا بعد نص ساعه تطلع النتيجه و كان وقت صلاة و رحنا شيخ عزيز نصلي و نرجع و طبعا انا ندرت هناك ادا كنت حامل بودي المكتوب و 6 و نص رحنا و سالتهم عن نتيجتي ادا جاهزة او لا فقالو لي جاهزة و سالته قبل لا يعطيني النتيجه فقال لي انها ايجابيه انا استانست بس من الصدمه ما ادري شصار فيني و سالني زوجي و قلت له ان اني حامل و كان هو بعد مو مصدق و لينما عطونه النتيجه و طلعنا و احنا اثنيناتنا مو مصدقين وما رضى يوديني المعرض ( خساارة للحين خاطري فيه ) و الحمدلله الحين عندي بنت عمرها سنه و الحمدلله
  10. am yaqeen

    am yaqeen عضو جديد

    المشاركات:
    234
    الإعجابات المتلقاة:
    0
    نقاط الجوائز:
    0
    حبابه وش اتحارسين
  11. أم البدر

    أم البدر عضو

    المشاركات:
    614
    الإعجابات المتلقاة:
    0
    نقاط الجوائز:
    16
    الصراحه موضوع مشوق

    بالنسبه لى

    يوم قررنا نزوج طنشنا الكل ولا سويت عرس ولا شي وسافرت مع زوجى سوريا واستانسناااااااا:eek:h:

    والحمدلله تزوجنا وباركت لنا السيده والكل قال اكيد انا حامل من جدي تزوجت وما سويت شي

    المهم في السفر جتنى الدورة وبعد ما رجعت شهرين وكل شهر تنزل بانتظام

    ولا فكرت في الحمل ولا شي

    الشهر الثالث جتنى الدورة بس الله لا يراويكم الالم اللى جانى ظهرى بينكسر وما اقدر منه
    رحت المستشفي وعطونى حبوب ورجعت وانا اعانى من ظهرى والكل قال لى انى يمكن حامل قلت لهم لا لان الدورة فينى وجايه في موعدها
    المهم عقب ما اغتسلت وخلصت للحين الالم

    زوجى ما رضى ودانى المستشفي وقالوا سوى تحاليل
    وسويتهم
    وطلعت النتيجه خذيتها ووديتها للدكتورة
    فتحتها وقالت مبروك انتى حامل
    ما عرفت شسوى قمت اقول لها انتى متاكده لانى تونى مخلصه الدورة قالت ااااااااااااي
    المهم قمت اضحك ما عرفت امسك نفسي
    طلعت لزوجى وهو في السياره ينتظرنى
    قال لى ها شنو قالوا لج
    قلت له ما قالوا شي

    المهم سكتنا
    والمسجل تشتغل

    وفجاة قلت له انا حامل
    صرخ قال ما سمعت
    قلت له انااااااااااا حامل

    تشكك استانس ما عرف شيسوى قام يصفق ويغنى ويقول لى حلفى

    وبس

    وتالى ما تم احد ما قال له

    طولت عليكم صح

    والحين عندى البدر وعمره سنتين:victory:الله يخليه لى ويخلى عيالكم لكم يا رب

    ويرزق الجميع بحق اهل البيت
  12. زمرده

    زمرده عضو جديد

    المشاركات:
    37
    الإعجابات المتلقاة:
    0
    نقاط الجوائز:
    0
    عاد كل حمل وليه قصه قصتي مع الحمله الثالثه لانها اثرت فيني عدل
    كنت ناويه اروح المدينه المنوره وكانت الرحله قريب لوفاه النبي وكان حدي خاطري اروح المهم زوجي ماكان راضي لان عندي ولد عمره 8 اشهر فقلت ليه بفطمه وبروح او يمكن ما افطمه لانها كلها 5 ايام المهم وافق بعد عناء المشكله انها الدوره متاخره عليي واني ساهيه عنها وهي تخربط ويايي بس حافظه متى اجيني رحت المستشفى نعيم لان كان مركزنا مسكر رحت وامبي تنزل عليي الدوره او توقفها عشان اذا سافرت ما تصيدني في السفر المهم الدكتوره طبعا بجيك قبل في حمل ولالا سويت التحليل وبكل ثقه رايحه للدكتوره الا تقول لي حامل ذيك الحزه عاد امبي اصيح مو راضيه الدمعه تنزل من الصدمه واني بروحي امشي كاني في حلم رجعت بروحي كنت في السياره واني افكر ولدي صغير وعندي بنت عمرها 4 وبجيب الحين راسي عورني المهم طول الطريق ما اتصلت في زوجي حدي كنت حمقانه اتصل قريب اوصل البيت الا يقول هاه وينش ويش قالوا ليش قلت ليك كله منك انت السبب قلت ليه اني جايه بالطريق وقعجت اتهاوش واصيح على حالتي وهو كان مضايق وداخل نفسه مستانس بعد بس مو بين تمينا يومين ما اكلمه بعدين جه ليي ايقول ليي بتمين الى متى جديه خلاص الشي صار واني اعرف انه تعب عليش بس هذا بيد الله المهم قلت ليه لكن امبي اسافر قال ليي مو الحين انتظري جم شهر
    وسافرت في عيد العمال اني وبنتي بس وفطمت الجاهل مسكين وكان كاسر خاطري
    وقلت اذا بنت بسميها فاطمه بسبب زيارتي للنبي والشي الثاني فطمت اخوها واذا صبي علي لان عندي احمد ..... والحين ولدت صار ليي 27 يوم ولدت يوم القدر وجبت فاطمه بس سوني عمليه للاسف
    طولت عليكم والحمدلله على كلشي
  13. Lamya

    Lamya عضو

    المشاركات:
    844
    الإعجابات المتلقاة:
    0
    نقاط الجوائز:
    16
    الله يسلمكم اني حملت بعد ثلاثة اشهر من زواجي .. و كان يوم عيد الاضحى و كانت متأخرة علي بس يوم واحد و اني قاعده ويا خواتي قاعده اقول ليهم ترى اني حامل .. كلهم سألوني كم تأخرت عليش قلت ليهم يوم واحد .. قعدوا يضحكوني علي و يقولون يوم واحد و تقولين حامل ..

    بس اني ما ادري شلون كانت حاسه صدق اني حامل لاني ديك الايام ما تتأخر علي و لا يوم تجيني بالضبط نفس اليوم

    و قلت بسوي تحليل حمل بس كان اخر الشهر و ايام عيد (قحط) فأول ما نزل المعاش طرت على الصيدليه و اخذت تحليل و طلعت حامل ههههههه احساس عجيب

    و طبعاً سيده رحت بيت ابوي و خبرتهم و فرحوا عدل لان بيكون أول حفيد في العائله

    و الله يسرها علي تسعه اشهر و جبت زينب و ألحين عمرها سنتين
    الله يخليها لينا
  14. ام جنان

    ام جنان عضو جديد

    المشاركات:
    756
    الإعجابات المتلقاة:
    0
    نقاط الجوائز:
    0
    انه احب جذي مواضيع وبشارك معاكم في قصتين عن حملتين عاد انه تزوجت والله ماعطاني الا بعد سنه ونص من زواجي ومن كنت وانه بنت كانت الدوره مو منتظمه عندي يعني بالاشهر ب3 واربع اشهر تييني ورحنا انه وزوجي سوينا فحوصات وقالو لنا كل شيئ اوكى على الله الحمل بعدين قلت اكيد الدوره لانه مو منتظمه عندي ودكتوره الي بالمركز عطتني حبوب ينظم الدوره وشربته لمدة 5 ايام وبعد 3 شهور بعد ماجتني الدوره كانو مطرشيني الفاتح لانه عندي فحوصات وقالو اخر دورة قلت لهم اللحين 3 اشهر مايات لي الدوره قاللو لازم تسوين تحليل قلت لا ماابي لانه انه على طول تتاخر علي قالو لا مايصير لازم قلت يالله نسوي قالت مبروك انتي حامل مااصدقت مت من الوناسه وامي المسكينه استانست حدها وقالت انه بخبر زوجج بالخبر واتصلت له وقالت له بقول لك خبر بتستانس بتصير ابو وهو استانس وعاد اول حملي كنت على طول مدلعه لانه هو على طول مدلعني ولا يخليني اسوي ولا شيئ وحتى ماشالله بسرعه طاف علي الوقت لانه كنت حامل ب3 اشهر جريب ادش الرابع ولا ادري وبنتي الثانيه بسرعه حملت فيها قلت يمكن اطول مثل الاولى بس لانه الحمدلله اللحين الدوره انتظمت عندي من ولدت في بنتي الاولى ورحت سويت تحليل وكنت شاكه اني حامل وطلعت حامل بس هالحمل استغفر الله سويت المصايب على هالحمله وصياح وترفس في بطني وكنت مشتركه بالنادي وكنت ادعي على نفسي لانه ماابي كنت قلت هالالثنين بس والثالث بعدين مو اللحين وصج كانت صدمه لي بس يالله الحمدلله على كل حال والله يسهل علي وعليكم ياحوامل والله يرزق كل محرومه يارب
  15. jnaynwrd

    jnaynwrd عضو جديد

    المشاركات:
    35
    الإعجابات المتلقاة:
    0
    نقاط الجوائز:
    0
    اول اسبوعين حسيت بجسمي يتصبب عرق بصوره غريبه
    وألم في عظامي وراسي كله داير رحت المستشفى يمكن فيني سخونه بس سووا لي تحليل حمل وبان ماشاءالله واني توني 3 أسابيع، نسألكم الدعاء

    بس ترى حساب أشهر الحمل جذي


    الشهر الاول من اول يوم في الدورة

    الشهر الثاني 5 اسابيع و4 ايام تدخلين الثاني

    الشهر الثالث 9 اسابيع تدخلين الثالث

    الشهر الرابع 13 اسبوع و3 ايام تدخلين الرابع

    الشهر الخامس 17اسبوع و6 ايام تدخلين الخامس

    الشهر السادس 22اسبوع ويومين تدخلين السادس

    الشهر السابع 26اسبوع و5 ايام تدخلين السابع

    الشهر الثامن 31اسبوع و1 يوم تدخلين الثامن

    الشهر التاسع 35اسبوع و4 ايام تدخلين التاسع

    الله يرزق الجميع الذريه الصالحه ان شاءالله
  16. نور عيوني علوي

    نور عيوني علوي عضو نشيط

    المشاركات:
    2,330
    الإعجابات المتلقاة:
    1
    نقاط الجوائز:
    38
    موضوع مميز ........الله يرزق كل محروم من الذرية بحق ام البنين
    والله يتمم لكل حامل ويسهل الله ولادتها ,

    اني اول ماتزوجت ماكنت مفكرة بالحمل كلش كلش .......وبعد مرور ست شهور كنت مسخنه وفي نفس الوقت زواج خالي وما كنت حابة اروح الصالون وعندي صداع الموهم ويوم ثاني من زواج خالي اخذت جهاز من الصيدلية .>>>>>>>طبعا زوجي وياي بس مانزل من السيارة اني الي اخذته وحطيته في شنطتي ورحت البيت وحللت وستانست وسكت ويوم ثاني اخذت لزوجي هدية وحطيت الجهاز فيها ويوم الي بعده قام الصبح للشغل فتح الكبت وشاف الهدية وفيها الجهاز استخف من الفرحة بس الله ماتممم الي بخير سقط واني في اول اسبوع من الشهر الرابع .......بدون سابق انذار ..

    وحملت بالحمل الثاني بعد ست شهور كان عندي الم في ظهري والتهاب في الابوال ... وما كنت مفكرة اني حامل ومستشبعدة الامر لان ما امبي احمل نفسيتي تعبت ....خخخخ على كيفها الاخت .......الموهم كان يوم جمعه قلت لزوجي امبي اروح المستشفى لان عندي حرارة في البول بروح اجيك احتمال اكون عندي التهاب وداني بس وكان وياي قلت للدكتورة بالي فيي وسالتني قلت اليها الدورة متاخرة >>>لان دورتي اصلا مو منتظمة
    قالت اليي لازم تحليل لان المضاد خطير على الحمل اسبب اجهاض ورحت حللت كنت اسولف مع زوجي الا الممرضه نادتني راح زوجي اخذ النتيجة ومن شافها بوزتف انشق البوز الا اقول اليي حااامل .....اني استانست وزعلت في نفس الوقت ..... خايفة اسقط هالمرة ..طبعا خبرت بس مامتي وخالاتي واستانسوا وااايد والباقي محد يدري مرت 4شهور اني في بيت ابوي ما اتحرك واخذ حبوب تثبيت ...وبعدها نزل عليي دم يوم الي دخلت الشهر الخامس اهني جاني احباط صدق وقمت اصيح خايفة اسقط مرة ثانية ......طلع بس جدي وقف الدم ....تمت تسع الشهور مثل العسل على قلبي وبعدها ولدت وجبت احلى ولد وكان اول رجب يوم مولد الامام الباقر بس تسمى قبل لا اجيبه ب علي والحين عمره ثلاث شهور وشي ....


    ياعلي عورت راسكم صح بس لازم افرغ الي في قلبي ما اتحمل بس اكتب شوي .......
  17. Janaa

    Janaa عضو نشيط

    المشاركات:
    1,038
    الإعجابات المتلقاة:
    0
    نقاط الجوائز:
    36
    شسوي اكل الحبوب تقصدين :tears: ماادري شسوي صدقيني وخايفه انتي مو حامل ادري نفسيتي بتتعب :24:
  18. رياحين

    رياحين عضو جديد

    المشاركات:
    109
    الإعجابات المتلقاة:
    0
    نقاط الجوائز:
    0
    مرحبا ..

    انه ولدي ما بقى شئ يكمل سنـــه ..
    اما شلون عرفت اني حامل ..
    فاللي صار ان ما كان في بالي ابدا اني اكون حامل ولا فكرت قلت لنفسي توه الناس ..
    ابي استانس بالزواج دون اولاد فتره ..
    يعني لين اكمل سنه .. سنة وشئ .. راح نفكر بعدين بالحمل ..
    لكن ،، ولله الحمـــد .. صرت حامل بعد 6 أشهر فقط من زواجي ..
    كنت أفكر بيني وبين نفسي .. الدورة شكلها متأخره عليي .. يمكن اكون حامل .. وبعدين ارد أقول لنفسي .. لا توه الناس .. مو معقوله .. بس مو متأكده من موعد الدورة ..
    أفكار تاخذني وتجيبني .. اقول حامل وبعدين ارد اتراجع .. وما سألت أحد او كلمت أحد ..
    لين وصلت في نفسي لقرار .. بترك لمدة اسبوع اذا ما جتني راح اروح اجيك ..
    واليوم اللي سافر فيه امي وابوي ومعاهم وحده من خواتي وواحد من اخواني .. كنت طالعه مع زوجي ..
    وفجأه .. قلت لزوجي .. مر عالصيدلية شوي .. يعني اصلا ما عطيت روحي مجال بعد هالافكار ..
    وأخذنا الجهاز .. فسألني زوجي عن السبب ؟! وقلت له ما ادري عندي شكوك وابي اتأكد ما أبي اخلي روحي متوترة ومب عارفه شنو اسوي ..
    ونفس التردد .. احلل الحين وكان الليل او اخلي للصبح ؟؟
    وبنهاية المطاف حللت بنفس الوقت وطلعت النتيجه سريعة وواضحه جدا ..
    وكان زوجي ينتظرني ولما طلعت قعدت اصيح واقول له لا ما يصير ما يصير ما اصدق ما اصدق مو معقوله .. :tears:
    وسألني عن النتيجه وما قدرت ارد عليه .. اهو راح للجهاز وشاف النتيجه بنفسه ..
    حسيته متفاجئ :nosweat: واني نفسي ظليت فتره لين صدقت :yes:

    ويوم ثاني رحنا خاص علشان اشيك بأي شهر طلعت بالشهر الثاني واني خبر خير :ph34r:
    قلنا لعمتي وكان في اتصال بيني وبين اختي المسافره وقلت لها لما ترجعون عندي لكم بشرى
    واصرت انها تعرف .. واتوقعت الخبر .. اني حامل ايه .. :lunettes1:
  19. عطر البنفسج

    عطر البنفسج عضو جديد

    المشاركات:
    25
    الإعجابات المتلقاة:
    0
    نقاط الجوائز:
    0
    مرحبا حبيت الموضوع وقلت بشارك معاكم بتجربتي
    انه جربت الحمل 4 مرات بس عندي ولدين
    شلوووووووووووووووووووووووووووووووووووووووووووون
    هني القمندة
    اول حمل اكتشفت اني حامل هلال محرم اخذت الجهاز بعد مااخرتني يوم واحد بسسس
    ههههه مافي صبر زوجي
    والحمد لله طلعت حامل بس بدون مقدمات يوم سابع محرم صادني نزيف وراح البيبي
    في المستشفا قالو مايحتاج تنظيف لان بعده الحمل في اوله الدم استمر 15 يوم تقريبا
    المهم مباشرة حملت مرة ثانية والحمد لله كملت تسعة شهور وانه بصحة جيدة والبيبي بعد بس المفاجأة لما ولدت اكتشفنا ان البيبي كان مريض عاش شهر بسسسس وبعدين الله اخذ امانته
    ......................................................
    .......................................................
    طبعا الوضع اللي كنا فيه لانحسد عليه الله لايضوقه احد
    وانه للحين وبعد مرور 6 سنوات عالسالفة مازلت محتفظة بكل شيء يخصة واراوي اولادي صوره واقول لهم هذا اخوكم اللي في الجنه
    بعد 6 شهور من هالحادثة حملت مرة 3 وطبعا ركيض وقبل مايجي موعد الدورة وينك يالبريجننت تست طبعا طول فترة الحمل وانه النفسية زفت من الخوف والوسواس بسبب التجارب السابقة مع ان اعراض الحمل كانت هينه بس الحمد لله ربي عطاني حسييييين يوم هلال محرم والحين عمره 5 سنوات اما حملتي الاخيرة فكانت غريبة شوي الظاهر اني حملت بعد ماخلصت الدورة مباشرة لأن بعد اسبوعين من نهاية الدورة بدأت اعراض الحمل الكسيفة لوعة ودوخة وكل شي عندي ريحته لوعة والريييل كل ماشاف هللون استانس وطار من الفرحة وانه اقول لا موحامل بس اكيد مريضة وانه من النوع اللي مااحب المستشفيات فما عنيت روحي اجيك المهممممم
    عورت راسكم ههههه
    مسرع ماجا وقت الدورة واخذت الجهاز وطلعت مغلوبة قدام ريلي واحد صفر والحين عندي زهورة عمرها سنة ونص وولدته يوم اربعينية الامام الحسين
    وتوته توته خلصت الحدوته
  20. ملاك كيوت

    ملاك كيوت عضو جديد

    المشاركات:
    211
    الإعجابات المتلقاة:
    0
    نقاط الجوائز:
    0
    اني قصتي طووووووووووووووويله
    توزوجت واني فيني الدوره وطولت معاي 10 ايام واول مره تصيدني هالكثر وبعدها مباشره حملت والفرحه ما وسعت كل الاهل بس يا فرحه ما تمت بعد ما عرفت حامل وانتشر الخبر باسبوع الا طارحه وبعد ما طرحت كل شهر تتأخر عليي 10 ايام واكثر ما خلينا مستشفى الا ورحناهاا وكله ما في حمل ومافيكم شي كل شي طبيعي وعلى الله ورحت مستشفى خاص وكله حبوب للحمل واثر هذا الحبوب بنفسيتي لانه يلعب بالهرمونات عدل وبعد كل المحاولات قلت خلاص لا حبوب ولا محاتات على الله اذا اراد الينا الذريه راح احمل وبعد 3 سنوات بالضبط كان موعد الدوره في ليله القدر وقلت يا ربي بس تطوف ليله القدر وبعدها تجي عشان احيي ليله القدر ولا تخرب عليي وطافت ليلة القدر والعيد وبعد العيد ب4 ايااام ما خبرت احد انها متأخره عليي وكل وحده تسأل عليش كم من يوم من شهر رمضان اقول ما جتني وقولون يمكن حامل اقول اليهم عادي اهي احيانا تتأخر ما ابي احد يصير عنده امل بس اني حاسه اني حمل بس خايفه اسوي تحليل ويطلع سلبي وكل ما اتأخر يووم زاد خوفي زووود ونزل علي دم ومباشره قلت له قووم ودني الى عبدالله كمال بس ما قلت له انه نازل علي دم لانه بقوول خلج اكيد جايتنش بس الاحساس ما خلاني وسويت عينه والحمدلله طلعت حامل بس الفرحه كانت في حدوود بسبب الخوف من الطراح الحمدلله الحين عندي بنوته عمرها 5 اشهر
حالة الموضوع:
مغلق

مشاركة هذه الصفحة